2 ImiLando 4:1 - iBhayibhili Elingcwele 1978

¹ Wenza lealtare lethusi, ubude balo buzingalo ezingamatshumi amabili, lobubanzi balo buzingalo ezingamatshumi amabili, lokuphakama kwalo kuzingalo ezilitshumi.

IBhayibhili Elingcwele LesiNdebele

¹ Wenza i-alithari lethusi elizingalo ezingamatshumi amabili ubude balo, lezingamatshumi amabili ububanzi njalo izingalo ezilitshumi ukuyaphezulu.

2 ImiLando 4:1 Mawu Ofanana

1 AmaKhosi 8:22

USolomoni wasesima phambi kwealtare leNkosi phambi kwalo lonke ibandla lakoIsrayeli, waphakamisela izandla zakhe phezulu

1 AmaKhosi 8:64

Ngalona lolosuku uSolomoni wayahlukanisela iNkosi indawo ephakathi kweguma elalingaphambi kwethempeli, ngoba lapho wanikela iminikelo yokutshiswa leminikelo yempuphu, lamahwahwa eminikelo yokuthula, ngoba ialtare lethusi elaliphambi kweNkosi lalilincinyane kakhulu ukutshisela kulo umnikelo wokutshiswa lomnikelo wempuphu lamahwahwa eminikelo yokuthula.

1 AmaKhosi 9:25

Kathathu ngomnyaka uSolomoni wayenikela iminikelo yokutshiswa leminikelo yokuthula phezu kwealtare ayelakhele iNkosi, atshise impepha phambi kwayo. Waseyiqedake indlu.

2 ImiLando 1:5

Futhi lealtare lethusi elalenziwe nguBezaleli indodana kaUri kaHuri lalikhona lapho phambi kweTabernakeli leNkosi uNkulunkulu; uSolomoni lebandla bayakhuleka khona.

2 ImiLando 15:8

Lapho uAsa ewezwa wonke lamazwi kaAzariya indodana kaOdedi, waqunga isibindi, wakhupha zonke izithombe eziyisinengiso elizweni lonke lakoJuda lakoBenjamini lemizini ayeyithumbile entabeni zakoEfrayimi, walungisa ialtare leNkosi elalingaphambi komkoto wethempeli.

2 ImiLando 29:18

Basebesiya kuHezekiya inkosi bathi: Sesiyilungisile yonke indlu yeNkosi, ialtare lomnikelo wokutshiswa lezitsha zalo zonke, letafula yezinkwa ezahlukaniselwe iNkosi lezitsha zayo zonke;

2 ImiLando 7:7

USolomoni wahlukanisela iNkosi indawo ephakathi kweguma elalingaphambi kwethempeli, ngoba lapho wanikela iminikelo yokutshiswa, lamahwahwa eminikelo yokuthula, ngoba ialtare lethusi uSolomoni ayelenzile lalilincinyane ukutshisela kulo umnikelo wokutshiswa lomnikelo wempuphu lamahwahwa.

2 ImiLando 8:12

USolomoni wasenikela eNkosini iminikelo yokutshiswa phezu kwealtare leNkosi ayelakhile ngaphambi komkoto,