2 ImiLando 27:3 - iBhayibhili Elingcwele 1978

³ Wakha isango lethempeli elingaphezulu, wenza umsebenzi omkhulu wokwakha emdulini waseOfeli.

IBhayibhili Elingcwele LesiNdebele

³ UJothamu wakha wavuselela iSango langaPhezulu lethempeli likaThixo wenza njalo umsebenzi omkhulu emdulini ngapha ngaseqaqeni lwe-Ofeli.

2 ImiLando 27:3 Mawu Ofanana

2 AmaKhosi 15:35

Kodwa indawo eziphakemeyo zokukhonzela kazivalwanga; abantu babelokhu benikela imihlatshelo betshisa impepha endaweni eziphakemeyo. Wakha isango lethempeli elingaphezulu.

2 ImiLando 23:20

Wathatha izinduna zamakhulu lezikhulu lababusi babantu labo bonke abantu belizwe, bayikhupha inkosi ethempelini, bangena esigodlweni ngesango elingaphezulu, bayihlalisa esihlalweni sobukhosi.

2 ImiLando 33:14

Ngemva kwalokho wakha umduli ongaphandle komuzi kaDavida ngasentshonalanga kweGihoni esihotsheni, wawufikisa ngaseSangweni leNhlanzi, wawubhodisa iOfeli, wawenza waphakama kakhulu. Wabeka labaphathi bamabutho kuyo yonke imizi ebiyelweyo yakoJuda.

UJeremiya 20:2

UPashuri wamtshaya uJeremiya umprofethi, wamfaka esitokisini esiseSangweni lakoBenjamini elingaphezulu, ekungeneni kwethempeli.

UJeremiya 26:10

Kwathi izikhulu zakoJuda sezizwile lezizinto zafika ethempelini, zivela esigodlweni senkosi, zahlala ngaseSangweni elitsha.