2 ImiLando 24:22 - iBhayibhili Elingcwele 1978

²² UJowashi inkosi kawukhumbulanga umusa kaJehoyada uyise kaZekariya ayemenzele wona, kodwa wabulala indodana yakhe. Lapho esesifa uZekariya wathi: INkosi uNkulunkulu kayibone iphindisele.

IBhayibhili Elingcwele LesiNdebele

²² INkosi uJowashi ayizange izihluphe ngomusa eyayiwenzelwe nguJehoyada uyise kaZakhariya kodwa yabulala indodana yakhe, yona yathi ekufeni kwayo, “UThixo kakubone lokhu, aphindisele.”

2 ImiLando 24:22 Mawu Ofanana

UGenesisi 42:22

URubeni wabaphendula wathi: Kangitshongo yini ukuthi lingezi okubi kuye umfana? Kodwa kalingilalelanga. Ngakho khangelanike, igazi lakhe selibizwa kithi.

UGenesisi 9:5

Igazi lenu, okutsho ukuphila kwenu, ngizalibiza; kuzo zonke inyamazana ngizalibiza; kuwo wonke umuntu ngizabiza ukuphila kwakhe, okomunye kube sesandleni somunye.

AmaHubo 10:14

Uyabona wena, yebo, uyabona ukukhathazeka lenhlupheko ukuze ukubeke ezandleni zakho. Ongelamandla uyazinikela kuwe; wena ungumsizi wezintandane.

AmaHubo 109:4

Ngithi lapho ngibathanda bona bangizonde, lalapho ngibakhulekela.

AmaHubo 9:13

Woba lomusa kimi, Nkosi, ukubone ukuhlutshwa kwami ngabangizondayo, wena ongilulamisayo ngisemasangweni okufa,

Izaga 17:13

Uba umuntu ephindisela okuhle ngokubi, ububi kabusoze busuke endlini yakhe.

UJeremiya 11:20

Kodwe, Nkosi yamabandla, owahlulela ngokulunga, ohlolayo inhliziyo lengqondo, kangibone ukuphindisela kwakho kibo, ngoba nginikele indaba yami kuwe.

UJeremiya 51:56

Ngoba umchithi uyehlela phezu kweBabiloni; amaqhawe alo ayabanjwa, lamadandili awo ayephulwa. Ngoba iNkosi inguNkulunkulu onika umvuzo, izakuwukhokha umvuzo impela.

ULukha 11:51

kusukela egazini likaAbela kuze kufike egazini likaZekariya owabulawa phakathi kwealtare lethempeli. Yebo, ngithi kini: Lizakubizwa kulesisizukulwana.

UJohane 10:32

UJesu wathi: Ngilitshengise imisebenzi eminengi emihle evela kuBaba; yiwuphi umsebenzi kiyo elingikhandela wona na?

2 uTimothi 4:14

UAleksandro umkhandi wethusi wangenzela okubi okunengi; iNkosi izakumbuyisela ngokwemisebenzi yakhe.

2 uTimothi 4:16

Ekuziphenduleleni kwami kwakuqala kwakungekho muntu owangimelayo; bonke bangihlamuka. Kakungabalelwa kibo lokho.

UJoshuwa 22:23

Uba besizakhele ialtare ngoba siqonde ukuyitshiya iNkosi, loba sinikelele iminikelo yokutshiswa loba iminikelo yempuphu loba iminikelo yokuthula kulo, iNkosi uqobo kayiphindisele kithi.

Isambulo 18:20

Thokoza ngawo wena zulu, lani bangcwele labaphostoli labaprofethi; ngoba uNkulunkulu uwuthonisisile, waliphindisela.

Isambulo 19:2

ngoba ukuthonisisa kwakhe kuqotho, kulungile; usilahlile isiphingi esikhulu esonakalise umhlaba ngokuphinga kwaso, uphindisele kuso igazi lezinceku zakhe.

Abahluleli 8:35

Kabatshengisanga umusa endlini kaJerubali, othiwa nguGidiyoni, ngakho konke okuhle akwenza kuIsrayeli.