2 ImiLando 2:4 - iBhayibhili Elingcwele 1978

⁴ Sengizimisele ukwakhela ibizo leNkosi uNkulunkulu wami indlu, ngiyahlukanisele iNkosi ukuba ngitshisele khona impepha elephunga elihle, lokunikela insuku zonke izinkwa ezahlukaniselwe uNkulunkulu, leminikelo yokutshiswa ekuseni lantambama, langamaSabatha, langezikhathi zokuthwasa kwenyanga, langezikhathi zemikhosi emisiweyo yeNkosi uNkulunkulu wethu, njengokumiselwe uIsrayeli kuze kube nininini.

IBhayibhili Elingcwele LesiNdebele

⁴ Sengilungiselela ukwakha ithempeli leBizo likaThixo uNkulunkulu wami lokulinikela kuye ukutshisela impepha eloqhatshi olumnandi phambi kwakhe, lokunikela isinkwa esingcwele ngezikhathi zonke, lokunikela iminikelo yokutshiswa ekuseni lantambama langeSabatha langokuThwasa kweziNyanga kanye lasemikhosini emisiweyo kaThixo uNkulunkulu wethu. Lokhu ngokumiselwe u-Israyeli ngokungapheliyo.

2 ImiLando 2:4 Mawu Ofanana

1 AmaKhosi 5:5

Ngakho sengizimisele ukwakhela ibizo leNkosi uNkulunkulu wami indlu njengokutsho kwayo kuDavida ubaba ukuthi: Indodana yakho engizayimisa ibuse endaweni yakho izangakhela indlu.

1 AmaKhosi 8:18

Kodwa iNkosi yathi kubaba uDavida: Njengoba bekuyisifiso sakho ukungakhela indlu, wenze kuhle ngokufisa lokho;

1 AmaKhosi 8:63

USolomoni wanikela kube yiminikelo yokuthula eNkosini inkabi ezizinkulungwane ezingamatshumi amabili lambili, lezimvu ezizinkulungwane ezilikhulu lamatshumi amabili. Inkosi labo bonke abakoIsrayeli bayahlukanisela iNkosi uNkulunkulu indlu.

1 ImiLando 22:5

UDavida wathi: USolomoni indodana yami usengumfana, kakabi lakwazi, indlu ezakwakhelwa iNkosi uNkulunkulu kumele ibe nkulu, ibatshazwe ibe lodumo emazweni wonke. Ngakhoke mina ngizakwenza amalungiselelo ngayo. Ngakho uDavida wasedingake impahla ezinengi zokwakha engakafi.

2 ImiLando 13:11

Bayanikela eNkosini ekuseni lantambama insuku zonke iminikelo yokutshiswa lempepha elephunga elihle, balungise izinkwa ezahlukaniselwe iNkosi etafuleni legolide elihle, balondoloze uluthi lwesibane lwegolide ukuba izibane zalo zikhanye kusihlwa insuku zonke. Ngokwenza njalo siyawulalela thina umlayo weNkosi uNkulunkulu wethu, kodwa lina liyidelile.

2 ImiLando 2:1

USolomoni wazimisela ukwakhela ibizo leNkosi ithempeli, lokuzakhela isigodlo.

UNehemiya 10:33

leyesinkwa esahlukaniselwe uNkulunkulu, leyomnikelo wempuphu wensuku zonke, leyomnikelo wokutshiswa wensuku zonke, leyamaSabatha, leyokuthwasa kwenyanga, leyemikhosi emisiweyo, leyeziphiwo ezingcwele, leyeminikelo yesono ukwenzela uIsrayeli ukubuyisana, leyawo wonke umsebenzi wendlu kaNkulunkulu.

AmaHubo 86:8

Phakathi kwabonkulunkulu kakho ofana lawe, Nkosi, kayikho lemisebenzi efana leyakho.

AmaHubo 96:4

Ngoba yinkulu iNkosi, ifanele ukudunyiswa kakhulu, iyesabeka ukwedlula onkulunkulu bonke.

U-Eksodasi 25:30

Uzabeka etafuleni izinkwa ezahlukaniselwe iNkosi, zibe phambi kwami insuku zonke.

U-Eksodasi 30:7

UAroni atshisele kulo impepha elephunga elimnandi, ayitshise insuku zonke ekuseni nxa elungisa izibane;

Izaga 7:20

yahamba lemali enengi, izakubuya nxa inyanga isidilingene.