2 ImiLando 14:13 - iBhayibhili Elingcwele 1978

¹³ UAsa labantu ababelaye baxotshana lawo baze bafika eGerari, amaEtiyopiya afa, kakwaze kwasala loyedwa, achitheka phambi kweNkosi uNkulunkulu lempi yayo. AbakoJuda bathatha impango enengi kakhulu.

IBhayibhili Elingcwele LesiNdebele

¹³ kodwa u-Asa lamabutho akhe waxotshana lawo waze wayawafikisa eGerari. Kwafa amaKhushi amanengi okokuthi kasazange azame ukuqoqana kutsha; abhuqwa phambi kukaThixo laphambi kwamabutho akhe. Amadoda akoJuda atshuquluza impango enengi kakhulu.

2 ImiLando 14:13 Mawu Ofanana

UGenesisi 10:19

Umkhawulo wamaKanani wasukela eSidoni waya ngaseGerari waze wafika eGaza, waya ngaseSodoma laseGomora laseAdima laseZeboyimi waze wafika eLasha.

UGenesisi 26:1

Kwaba khona indlala elizweni, enjengendlala yakuqala ensukwini zikaAbrahama. UIsaka waya eGerari kuAbimeleki inkosi yamaFilistiya.

UGenesisi 20:1

UAbrahama wasesuka lapho waya ngaselizweni laseNegebi, wakha eGerari phakathi kweKadeshi leShuri.

2 ImiLando 14:14

Bayihlasela yonke imizi yangaseGerari, ngoba iNkosi yabehlisela abantu ukwesaba. AbakoJuda bayiphanga yonke imizi ngoba impango yayinengi kiyo.

2 AbaseThesalonika 1:9

Bazakulahlwa ngokubhujiswa okungapheliyo, basuswe phambi kwakhe laphambi kwenkazimulo yamandla akhe,

AmaHubo 108:11

Wena Nkulunkulu, kawusilahlanga na? Nkulunkulu, kawusaphumi lezimpi zethu.

UJobe 9:4

Ulenhliziyo ehlakaniphileyo, ulamandla amakhulu. Ngubani ongamelana laye aphumelele na?

UJobe 6:9

kumthokozise uNkulunkulu ukungichoboza, elule isandla sakhe angiqede.

1 ImiLando 12:22

Insuku ngensuku abantu babesiza kuDavida ukumnceda baze babe yimpi enkulu kakhulu.

1 USamuyeli 25:28

Akuthethelele icala lencekukazi yakho; ngoba iNkosi uNkulunkulu izamisa inzalo yakho kokuphela, lokhu ulwa izimpi zeNkosi. Kawuyikwehlelwa yibubi zonke insuku zokuphila kwakho.

UJoshuwa 5:14

Yena wathi: Atshi; kodwa ngizile ukuba yinduna yempi yeNkosi. UJoshuwa wathi mbo ngobuso phansi, wakhuleka esithi kuye: Inkosi yami ithi inceku yayo kayenzeni na?

UGenesisi 10:1

Lezi yizizukulwana zamadodana kaNowa, oShemu loHamu loJafethi. Bazala amadodana emva kukazamcolo.

2 ImiLando 12:3

elezinqola zokulwa ezingamakhulu alitshumi lambili labagadi bamabhiza abazinkulungwane ezingamatshumi ayisithupha. Wafika labantu abanengi abangelakubalwa abaseLibiya lamaSikhi lamaEtiyopiya.

2 ImiLando 15:11

Bayihlabela iNkosi uNkulunkulu ngalolosuku empangweni ababeyilethile inkabi ezingamakhulu ayisikhombisa lezimvu ezizinkulungwane eziyisikhombisa.

UGenesisi 35:5

Basebehambake; ukumesaba uNkulunkulu okukhulu kwehlela emizini yakhona; abantu bemizi kabaxotshananga lamadodana kaJakobe.

2 ImiLando 17:10

Ukuyesaba iNkosi uNkulunkulu kwehlela phezu kwayo yonke imibuso yamazwe ayehanqe elakoJuda; kayimhlaselanga uJehoshafati.

2 ImiLando 20:29

Ukuyesaba iNkosi uNkulunkulu kwehlela phezu kwayo yonke imibuso yamazwe lapho isiwile ukuba iNkosi yamlwela uIsrayeli ezitheni zakhe.