2 ImiLando 13:2 - iBhayibhili Elingcwele 1978

² Wabusa iminyaka emithathu eJerusalema. Ibizo likanina lalinguMikaya indodakazi kaUriyeli waseGibeya. Kwakukhona ukulwa phakathi kukaAbija loJerobowamu.

IBhayibhili Elingcwele LesiNdebele

² njalo wabusa eJerusalema okweminyaka emithathu. Ibizo likanina lalinguMikhaya, indodakazi ka-Uriyeli waseGibhiya. Kwaba lempi phakathi kuka-Abhija loJerobhowamu.

2 ImiLando 13:2 Mawu Ofanana

1 AmaKhosi 14:19

Ezinye indaba zikaJerobowamu ezokuhlasela kwakhe lezokubusa kwakhe zilotshiwe ogwalweni lwezindaba zamakhosi akoIsrayeli.

1 AmaKhosi 14:20

UJerobowamu wabusa iminyaka engamatshumi amabili lambili, waya kwabaphansi. UNadabi indodana yakhe waba yinkosi esikhundleni sakhe.

1 AmaKhosi 15:2

Wabusa iminyaka emithathu eJerusalema. Ibizo likanina lalinguMahaka indodakazi kaAbishalomu.

2 ImiLando 11:20

Wabuya wathatha uMahaka indodakazi kaAbisalomu, owamzalela oAbija loAthayi loZiza loShelomithi.

2 ImiLando 12:15

Indaba zikaRehobowamu, kusukela ekuqaleni kuze kube sekucineni, zilotshiwe ogwalweni lwezindaba zomprofethi uShemaya lezikaIdo umboni. Kwakuhlala kusiba khona ukulwa phakathi kukaRehobowamu loJerobowamu.

2 ImiLando 13:3

UAbija waphuma ukuya ekulweni elempi yamaqhawe ayizinkulungwane ezingamakhulu amane, amadoda akhethiweyo. UJerobowamu wahlangabezana laye ekulweni elamaqhawe akhethiweyo azinkulungwane ezingamakhulu aficaminwembili.

UJoshuwa 18:28

leZela leHayelefi leJebusi, okutsho iJerusalema, leGibeya leKiriyathi‐Jeyarimi; iyonke ilitshumi lane lemizana yayo. Leli liyilizwe lesizwe sakoBenjamini ngosendo lwaso.

Abahluleli 19:14

Basebesedlula behamba; ilanga labatshonela sebebanga eGibeya elakoBenjamini.

Abahluleli 19:16

Kwafika ixhegu kusihlwa livela emsebenzini walo ensimini. Leloxhegu lalingelezintabeni zakoEfrayimi lihlala eGibeya. Abantu baleyondawo babe ngabakoBenjamini.

1 USamuyeli 10:26

USawuli laye waya ekhaya eGibeya, kwahamba laye amadoda angamaqhawe ezinhliziyo zawo uNkulunkulu wayezithintile.