2 ImiLando 12:3 - iBhayibhili Elingcwele 1978

³ elezinqola zokulwa ezingamakhulu alitshumi lambili labagadi bamabhiza abazinkulungwane ezingamatshumi ayisithupha. Wafika labantu abanengi abangelakubalwa abaseLibiya lamaSikhi lamaEtiyopiya.

IBhayibhili Elingcwele LesiNdebele

³ Wahlasela ngezinqola zokulwa ezingamakhulu alitshumi lambili labagadi bamabhiza abazinkulungwane ezingamatshumi ayisithupha, labantu abangelakubalwa ubunengi babo abanye bengabeLibhiya, lamaSukhi labaKhushi abeza laye bevelela ngaseGibhithe,

2 ImiLando 12:3 Mawu Ofanana

2 USamuyeli 10:18

AmaSiriya abaleka phambi kukaIsrayeli; uDavida wabulala amaSiriya ezinqola zokulwa angamakhulu ayisikhombisa, labamabhiza abazinkulungwane ezingamatshumi amane, walimaza uShobaki induna yempi, wafela khona lapho.

2 AmaKhosi 7:6

Ngoba iNkosi yenza impi yamaSiriya ukuba izwe umsindo ongathi wenqola zokulwa wamabhiza lempi enkulu; akhulumisana esithi: Inkosi yakoIsrayeli isisibizele amakhosi amaHethi lamakhosi aseGibithe ukusihlasela.

2 ImiLando 14:12

Ngakho iNkosi yawachitha amaEtiyopiya phambi kukaAsa laphambi kwabakoJuda, abaleka.

2 ImiLando 14:8

UAsa wayelempi yabantu abazinkulungwane ezingamakhulu amathathu abavela koJuda, behlome amahawu lemikhonto, labazinkulungwane ezingamakhulu amabili lamatshumi aficaminwembili abavela koBenjamini ababehloma izihlangu betshoka imitshoko; bonke babengamaqhawe.

2 ImiLando 14:9

UZera waseEtiyopiya waphuma ukuzakulwa labo elempi yamadoda ayisigidi lezinqola zokulwa ezingamakhulu amathathu, wahamba waze wafika eMaresha.

2 ImiLando 16:8

AmaEtiyopiya lamaLibiya ayengesiyo impi enkulu, elezinqola zokulwa ezinengi labagadi bamabhiza abanengi na? Kanti ngoba uthembele eNkosini, yawanikela esandleni sakho.

U-Isaya 43:3

Ngoba mina ngiyiNkosi uNkulunkulu wakho, oNgcwele kaIsrayeli, uMsilisi wakho. Ngizanika iGibithe libe lihlawulo lakho, loEtiyopiya leSeba esikhundleni sakho.

UHezekhiyeli 30:5

IEtiyopiya lePuti leLudi lalo lonke iArabiya leLibiya labantu belizwe abahlangene labo bazabulawa kanye labo.

UDanyeli 11:43

Izathatha inotho yegolide leyesiliva lazo zonke izinto eziligugu zaseGibithe; amaLibiya lamaEtiyopiya azayikhonza.

UNahume 3:9

IEtiyopiya leGibithe kwakungamandla alo angelakuphela; iPuti leLibiya kwakungabasizi balo.

Isambulo 9:16

Ubunengi bezimpi zabagade amabhiza babuyinkulungwane yezinkulungwane ziphindwe kamakhulu amabili; ngezwa ukubalwa kwazo.

Abahluleli 4:13

wabiza zonke inqola zakhe zokulwa ezingamakhulu aficamunwemunye ezensimbi, labo bonke abantu ababelaye, kusukela eHaroshethi labezizwe kuze kufike emfuleni iKishoni.

Abahluleli 6:5

Ngoba babefika lenkomo zabo lamathente abo, befika njengentethe ngobunengi; bona lamakamela abo babengelakubalwa; ngakho beza elizweni ukulichitha.

1 USamuyeli 13:5

AmaFilistiya abuthana ukuba alwe loIsrayeli, ayelenqola zokulwa eziyizinkulungwane ezingamatshumi amathathu, labagadi bamabhiza abayizinkulungwane eziyisithupha, lamabutho alingana letshebetshebe elisokhunjini lolwandle ngobunengi; afika, amisa eMikimashi, ngasempumalanga kweBeti‐Aveni.