1 uTimothi 6:4 - iBhayibhili Elingcwele 1978

⁴ uyazikhukhumeza lowo, kazi lutho. Uphethwe yinkani lokuphikisana ngamazwi, okubanga umona, lombango, lokuthuka, lemicabango emibi,

IBhayibhili Elingcwele LesiNdebele

⁴ uyazikhukhumeza njalo akulalutho aluzwisisayo. Ulezifiso ezimbi enkanini lasekuphikisaneni ngamazwi okudala umona, lombango, lezinkulumo ezilimazayo, ukucabangelana okubi

1 uTimothi 6:4 Mawu Ofanana

Izaga 13:7

Omunye umuntu uzitshaya onothileyo, kanti kalalutho; lomunye azitshaye ongumyanga, kanti unothile kakhulu.

Izaga 25:14

Umuntu othembisa iziphiwo, kanti ongaziphi, unjengamayezi lomoya okungalethi izulu.

Izaga 26:12

Uyabona lowomuntu othi uhlakaniphile na? Isithutha silethemba elikhulu kulaye.

U-Isaya 58:4

lokhu lizilela ukulwa lokuphikisana, lokutshayana kubi ngenqindi ngesikhathi esinje ukuzila kwenu kakufinyelelisi ukucela kwenu phezulu.

Imisebenzi 15:2

Kuthe ukuba kuvele ukuphambana lokuphikisana okukhulu phakathi kwabo loPawuli loBarnabasi, kwamiswa ukuba uPawuli loBarnabasi labanye abathile benyukele eJerusalema kubaphostoli labadala ngalindaba.

Imisebenzi 18:15

kodwa ngoba kuyikuphikisana ngamazwi, langamabizo, langomlayo wenu, ziboneleni lina; mina kangithandi ukuba ngumgwebi walezizinto.

Imisebenzi 8:9

Kwakukhona indoda ethiwa nguSimoni, eyayikade isenza imilingo kulowomuzi, yasimangalisa isizwe samaSamariya, izitshaya umuntu omkhulu.

AbaseRoma 12:16

Hlalisanani kuhle, lingazikhukhumezi, kodwa lihlangane labathobileyo, lingazitshayi abahlakaniphileyo.

AbaseRoma 13:13

Asihambe ngokufaneleyo njengasemini, singahambi ngokuminza langokudakwa, langokufeba, langokungabi lanhloni, langokuxabana, langomona.

AbaseRoma 14:1

Lowo obuthakathaka ekukholweni mamukeleni, kodwa kungabi ngokuphikisana laye.

AbaseRoma 2:8

kodwa abalenkani bengalaleli iqiniso, belalela ukungalungi, bazakuzwa intukuthelo lolaka.

1 AbaseKhorinte 11:16

Kodwa uba umuntu ethanda ukuphika inkani, kasilawo umkhuba onjalo thina, lamabandla kaNkulunkulu kawalawo.

1 AbaseKhorinte 11:18

Okokuqala, nxa libuthana ebandleni, ngizwa kuthiwa kukhona ukwahlukana phakathi kwenu; nganxanye ngiyakukholwa lokhu.

1 AbaseKhorinte 3:18

Kakungabi khona ozikhohlisayo; uba umuntu phakathi kwenu ecabanga ukuthi uhlakaniphile ezintweni zalesisikhathi kabe yisithutha, ukuze ahlakaniphe.

1 AbaseKhorinte 3:3

ngoba liseyibo abomhlaba. Nxa kusekhona umhawu lokuphikisana phakathi kwenu, kalisibo abomhlaba na? Kalihambisi okwabantu na?

2 AbaseKhorinte 11:20

Liyabekezela, uba umuntu elenza izigqili, uba elidla, uba elibamba, uba ezikhukhumeza, loba elimakala.

AbaseGalathiya 5:15

Kodwa uba lilumana, lidlana, qaphelani ukuba lingaqedani.

AbaseGalathiya 5:26

Kasingazikhukhumezi, siqalane, sifelane umona.

AbaseGalathiya 6:3

Ngoba uba umuntu ezitshaya ulutho, yena engasilutho, uyazikhohlisa.

AbaseFiliphi 1:15

Abanye kambe batshumayela uKristu ngomona langombango, kodwa abanye bamtshumayela ngenhliziyo enhle;

AbaseFiliphi 2:14

Yenzani zonke izinto ngokungasoli langokungabuzi,

AbaseFiliphi 2:3

Lingenzi lutho ngokubangisana langokuziqhenya, kodwa ngokuthobeka litshaye sengathi abanye bangcono kulani.

AbaseKholose 2:18

Kakungabi khona umuntu olamuka umvuzo wenu, ethanda ukuzenza othobileyo lokukhonza izithunywa, ebambelela phezu kwemibono yakhe, ezikhukhumeza ngeze ngemicabango yakhe emibi.

2 AbaseThesalonika 2:4

omelana lakho konke, lozikhukhumeza phezu kwakho konke okuthiwa ngunkulunkulu, loba yinto nje ekhonzwayo aze ahlale ethempelini likaNkulunkulu ezibiza ngokuthi unguNkulunkulu.

1 uTimothi 1:4

futhi bangachithi isikhathi belalela izinganekwane lezindaba zosendo olokuzalana ezingapheliyo, ezibanga ukuphikisana endaweni yokuba ziqhube icebo likaNkulunkulu elisekukholweni.

1 uTimothi 1:7

befuna ukuba babe ngabafundisi bomlayo, bengaqedisisi lalokho abakutshoyo labaqinisa ngakho.

1 uTimothi 3:6

Kangabi ngosand’ukukholwa, funa ngokukhukhunyezwa awele ekulahlweni kukaSathane.

2 uTimothi 2:14

Ubakhumbuze ngalokho, ubalaye phambi kukaNkulunkulu ukuba baxwaye ukuphikisana ngamazwi; kakusizi lutho, kodwa kuchitha abezwayo.

2 uTimothi 2:23

Ukuphikisana okulobuthutha lokungazi kuxwaye, wazi ukuthi kubanga ukulwa.

2 uTimothi 3:4

labanikela abanye, labalamawala, labagcwele ukuzikhukhumeza, labathanda ukuzithokozisa kulokuthanda uNkulunkulu,

UThithu 3:9

Kodwa imibuzo yobuthutha uyixwaye, lendaba zosendo olokuzalana, lombango, lokuphikisana ngomlayo; ngoba lokho kakusizi, kuyize.

UJakhobe 1:19

Yazini lokhu, bazalwane bami abathandekayo. Kakube yilowo lalowo aphangise ukuzwa, aphuze ukukhuluma, aphuze ukuthukuthela,

2 UPhethro 2:12

Kodwa lababantu bahlambaza izinto abangazaziyo, banjengezinyamazana ezingelangqondo, ezazalelwa ukubanjwa lokubulawa, labo bazakubhujiswa ekubhujisweni kwazo,

2 UPhethro 2:18

Ngokuziqakisa okuyize bayabayenga ngezinkanuko zomzimba langamanyala labo asebephose baphuma ekuduheni;

UJuda 1:10

Kodwa lababantu bathuka konke abangakwaziyo; lalokho abakwaziyo ngemvelo njengezinyamazana ezingelangqondo babhubha ngakho.

UJuda 1:16

Laba bangabangungunayo labasolayo, behamba ngenkanuko zabo, bekhuluma amazwi aqatha, bezikhukhumeza, besebenzisa amazwi okulalisa ngolimi ngenxa yenzuzo.

Isambulo 3:17

Ngoba uthi: Nginothile, ngiphumelele, kangisweli lutho. Kanti kawazi ukuthi ungohluphekayo, ohawulayo, ongumyanga, oyisiphofu, lohambaze.