1 uTimothi 1:4 - iBhayibhili Elingcwele 1978

⁴ futhi bangachithi isikhathi belalela izinganekwane lezindaba zosendo olokuzalana ezingapheliyo, ezibanga ukuphikisana endaweni yokuba ziqhube icebo likaNkulunkulu elisekukholweni.

IBhayibhili Elingcwele LesiNdebele

⁴ loba ukuchitha isikhathi ngezinganekwane langezimbali zensendo ezingapheliyo. Lokhu kubanga ukuphikisana hatshi umsebenzi kaNkulunkulu wokukholwa.

1 uTimothi 1:4 Mawu Ofanana

2 AbaseKhorinte 1:12

Ukuzincoma kwethu yilokhu, okuyibufakazi besazela sethu, ukuthi sahamba emhlabeni ikakhulu maqondana lani ngobungcwele langobuqotho, kungesikho ngokuhlakanipha komhlaba kodwa ngomusa kaNkulunkulu.

Abase-Efesu 3:2

uba kambe selizwile ngomsebenzi womusa kaNkulunkulu engiwuphiweyo ngenxa yenu

1 uTimothi 3:16

Kuyavunywa ukuthi yinkulu impela imfihlakalo yokukholwa kwethu, yokuthi: Yena owabonakaliswa emzimbeni, walungisiswa emoyeni, wabonwa yizithunywa watshunyayelwa ezizweni, wakholwa ngumhlaba wonke, waphakanyiselwa ezulwini.

1 uTimothi 4:7

Kodwa uzale inganekwane ezimbi ezezalukazi. Uzejwayeze umsebenzi wokukhonza uNkulunkulu.

1 uTimothi 6:11

Kodwa wena muntu kaNkulunkulu balekela lokhu; nxwanela ukulunga, lokuhle, lokukholwa, lothando, lokubekezela, lobumnene.

1 uTimothi 6:20

Wena Timothi, londoloza kuhle okubekwe kuwe. Xwaya ukukhuluma okuyize lokuphikisana kwalokho okuthiwa yikwazi kungesikho,

2 uTimothi 2:14

Ubakhumbuze ngalokho, ubalaye phambi kukaNkulunkulu ukuba baxwaye ukuphikisana ngamazwi; kakusizi lutho, kodwa kuchitha abezwayo.

2 uTimothi 2:22

Ngakho xwaya inkanuko zobutsha, ulandele ukulunga, lokukholwa, lothando, lokuthula kanye labo abakhuleka eNkosini ngenhliziyo emhlophe.

2 uTimothi 2:23

Ukuphikisana okulobuthutha lokungazi kuxwaye, wazi ukuthi kubanga ukulwa.

2 uTimothi 4:4

bafulathelise indlebe zabo eqinisweni, baphambukele ezinganekwaneni.

UThithu 1:1

Mina Pawuli, inceku kaNkulunkulu lomphostoli kaJesu Kristu wokwakha ukukholwa kwabakhethiweyo bakaNkulunkulu lowokwandisa ukwazi iqiniso elimayelana lokukhonza uNkulunkulu,

UThithu 1:14

bangalaleli inganekwane zabaJuda lemithetho yabantu abadela iqiniso.

UThithu 3:9

Kodwa imibuzo yobuthutha uyixwaye, lendaba zosendo olokuzalana, lombango, lokuphikisana ngomlayo; ngoba lokho kakusizi, kuyize.

AmaHebheru 13:9

Lingaduhiswa yizifundiso eziyinhlobonhlobo lezingaziwayo; ngoba kuhle ukuthi inhliziyo iqiniswe ngomusa, kungabi ngokudla okungabasizanga lalabo ababebambelela kukho.

2 UPhethro 1:16

Ngoba sasingalilandiseli izinganekwane zobuqili, lapho silazisa amandla lokufika kweNkosi yethu uJesu Kristu, kodwa sasingabazibonelayo ubukhulu bayo.