1 USamuyeli 2:3 - iBhayibhili Elingcwele 1978

³ Lingabe lisakhuluma ngokuzigqaja kangaka, kungaphumi ukuziqakisa emilonyeni yenu; ngoba iNkosi inguNkulunkulu wokwazi, lezenzo ziyalinganiswa yiyo.

IBhayibhili Elingcwele LesiNdebele

³ Lingabe lisakhuluma ngokuzigqaja kanje loba uyekele umlomo wakho ukhuluma ukuzikhukhumeza okunje, ngoba uThixo unguNkulunkulu owaziyo, njalo izenzo zilinganiswa nguye.

1 USamuyeli 2:3 Mawu Ofanana

1 AmaKhosi 8:39

akuzwe wena usezulwini, endaweni yakho yokuhlala, umthethelele, umnike okufanele izenzo zakhe, wena owaziyo inhliziyo yakhe — ngoba nguwe wedwa owaziyo inhliziyo zabantu —

UJobe 31:6

— Kangilinganiswe ngesilinganiso esilungileyo, ukuze uNkulunkulu azi ubuqotho bami —

AmaHubo 147:5

INkosi yethu yinkulu, makhulu amandla ayo; ukwazi kwayo kakulakulinganiswa.

AmaHubo 17:10

Inhliziyo zabo bazivalela isihawu; bayazincoma ngomlomo wabo.

AmaHubo 31:18

Kayithuliswe imilomo eqamba amanga, ekhuluma ngokudelela abalungileyo ngokuzigqaja langokweyisa.

AmaHubo 44:21

uNkulunkulu ubengayikukubona lokhu na? Ngoba uyayazi imfihlo yenhliziyo.

AmaHubo 75:5

lingaphongeli, lizikhukhumeze.

AmaHubo 94:4

Bonke ababi bayaphophotha bekhuluma amazwi okuzigqaja, bezikhukhumeza.

Izaga 16:2

Umuntu angathi zonke indlela zakhe zilungile, kodwa iNkosi ihlola inhliziyo.

Izaga 24:12

Uba usithi: Manje bengingakwazi lokho; uNkulunkulu ohlola inhliziyo kayikukubona lokho na? Yena okulondolozayo uyakwazi; uzaphindisela bonke abantu ngokwemisebenzi yabo.

Izaga 8:13

— Ukwesaba iNkosi kuyikuzonda ububi — Ngiyakuzonda ukuzigqaja lokuziqakisa, lezindlela ezimbi, lokukhuluma okukhohlisayo.

U-Isaya 26:7

Indlela yabalungileyo iqondile; uyenza ibe butshelezi indlela yabalungileyo.

U-Isaya 37:23

Ngubani omklolodeleyo wamthuka na? Uphakamisele bani ilizwi lakho na? Ukhangele bani ngokuzikhukhumeza na? NgoNgcwele kaIsrayeli.

UJeremiya 17:10

Mina Nkosi ngiyahlola ingqondo, ngiyilinge inhliziyo, ukuba nginike wonke umuntu okufanele indlela zakhe, lokufanele izenzo zakhe.

UHezekhiyeli 35:13

Lakhuluma kubi ngami, landisa amazwi enu ngami, ngikuzwile.

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

UDanyeli 5:27

Tekeli, kutsho ukuthi wena ulinganisiwe ngezilinganiso, ufunyenwe ulula.

UMalaki 3:13

Amazwi enu abelukhuni ngami, kutsho iNkosi. Kanti lina lithi: Sikhulume sathini ngawe na?

AmaHebheru 4:12

Ngoba ilizwi likaNkulunkulu liphilile, lilamandla, libukhali kulomhedla osika inxa zombili, lihlaba kuze kwahlukane umphefumulo lomoya, amalunga lomnkantsho, lihlola imicabango lamacebo enhliziyo.

UJoshuwa 22:22

INkosi inguNkulunkulu wabonkulunkulu, iNkosi inguNkulunkulu wabonkulunkulu, yona iyazi, loIsrayeli kufanele akwazi. Uba bekuyikuhlamuka loba kuyikuphambuka eNkosini lingasiyekeli lamhla.

Isambulo 2:23

ngizakubulala abantwana bakhe. Wonke amabandla azakwazi ukuthi nginguye ohlola ingqondo lenhliziyo, futhi ngizakumnika ilowo lalowo wenu ngokwemisebenzi yakhe.

Abahluleli 9:38

UZebuli wasesithi: Kungaphi ukukloloda kwakho wena owathi ungubani uAbimeleki ukuba asibuse na? Laba kayisibo obadeleleyo na? Phuma uyekulwa labo.

1 USamuyeli 16:7

Kodwa iNkosi yathi kuSamuweli: Ungakhangeli isimo sakhe lobude bakhe, ngoba ngimalile. INkosi kayibonisi okomuntu; umuntu ubona okusemehlweni, kodwa iNkosi ibona okusenhliziyweni.