1 USamuyeli 13:7 - iBhayibhili Elingcwele 1978

⁷ Abanye bachapha iJordani, bawelela eGadi leGileyadi. USawuli wayelokhu eseGiligali, labantu bonke bamlandela bethuthumela.

IBhayibhili Elingcwele LesiNdebele

⁷ Amanye amaHebheru aze achaphela elizweni lakoGadi kanye leGiliyadi. USawuli wasala eGiligali, njalo wonke amabutho ayelaye ayeqhuqha ngenxa yokwesaba.

1 USamuyeli 13:7 Mawu Ofanana

ULevi 26:17

Ngizakumelana lani, lichithwe yizitha zenu. Abalizondayo bazakulibusa, libaleke lingaxotshwa muntu.

UDutheronomi 20:8

Izinduna zizakhuluma futhi labantu, zithi: Ngubani owesabayo ophelelwe ngamandla na? Kabuyele endlini yakhe, funa inhliziyo zabangane bakhe ziphelelwe ngamandla njengenhliziyo yakhe.

UDutheronomi 28:25

INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.

UDutheronomi 3:12

Ekuthumbeni kwethu lizwe ngalesosikhathi abakoRubeni labakoGadi ngabanika ilizwe elisukela eAroweri, eliseduze lesihotsha saseArinoni, kanye lengxenye yezintaba zaseGileyadi lemizi yalo.

UJoshuwa 13:11

leGileyadi lendawo yamaGeshuri lamaMahakathi layo yonke intaba yaseHermoni lalo lonke iBashani kuze kufike eSaleka

UJoshuwa 13:8

Ingxenye yesizwe sakoManase labakoRubeni labakoGadi balizuza ilizwe labo abalinikwa nguMose inceku yeNkosi ngaphetsheya kweJordani kusiya empumalanga;

Abahluleli 7:3

Ngalokhoke memezela lokhu ebantwini uthi: Lowo owesabayo lothuthumelayo kasuke entabeni yaseGilibowa, abuyele ekhaya. Ngakho, abazinkulungwane ezingamatshumi amabili lambili babuyela ekhaya, kwasala inkulungwane ezilitshumi.

1 USamuyeli 13:8

Walinda khona insuku eziyisikhombisa, isikhathi esamiswa nguSamuweli; kodwa uSamuweli kafikanga eGiligali, labantu basebeqala ukumtshiya uSawuli.

1 USamuyeli 17:11

Kwathi lapho uSawuli loIsrayeli wonke besizwa lamazwi, batshaywa luvalo, besaba kakhulu.

1 USamuyeli 31:7

Kwathi lapho abantu bakoIsrayeli ababengaphetsheya kwesigodi lababengaphetsheya kweJordani bebona ukuthi abakoIsrayeli babalekile, lokuthi uSawuli lamadodana akhe sebefile, batshiya imizi yabo, babaleka; amaFilistiya afika, ahlala kiyo.