1 ImiLando 27:1 - iBhayibhili Elingcwele 1978

¹ Nanka amabizo abakoIsrayeli, inhloko zezindlu, abaphathi bezinkulungwane labamakhulu, lababhali babo, ababesebenzela inkosi emisebenzini yezigaba zabo; zona zazophisana inyanga ngenyanga ukusebenza kuwo wonke umnyaka. Leso lalesosigaba sasilabantu abazinkulungwane ezingamatshumi amabili lane.

IBhayibhili Elingcwele LesiNdebele

¹ Nantu uluhlu lwabako-Israyeli, inhloko zezimuli, abalawuli bezinkulungwane labalawuli bamakhulu, ababesebenzela inkosi kulokho okuqondane lamaviyo empi ayefanele ukuzophisana ngenyanga kuze kuyephela umnyaka. Iviyo lilinye lalilamadoda azinkulungwane ezingamatshumi amabili lane (24,000).

1 ImiLando 27:1 Mawu Ofanana

2 USamuyeli 23:8

La ngamabizo amaqhawe kaDavida; uIshiboshethi waseHakimoni, owayeyinduna yabathathu; nguye owagiya ngomkhonto wakhe phakathi kwabangamakhulu aficaminwembili, wababulala ngasikhathi sinye.

1 AmaKhosi 4:27

Lezozinduna zadingela inkosi uSolomoni ukudla labo bonke ababesidla laye, ileyo laleyo ngenyanga yayo, kakuswelekanga lutho.

1 AmaKhosi 4:7

USolomoni wayelezinduna ezilitshumi lambili eziphethe wonke uIsrayeli, ezazidingela inkosi lendlu yayo ukudla, ileyo laleyo idinga ukudla kwenyanga eyodwa ngomnyaka.

1 AmaKhosi 5:14

Yabathumela eLebanoni, ngenkulungwane ezilitshumi ngenyanga belandelana, babehlala inyanga eLebanoni, bahlale inyanga ezimbili ekhaya. UAdoniramu wayengumphathi wezibhalwa.

1 ImiLando 11:10

Lezi yizinduna zamaqhawe kaDavida ezazimsekele ngokuqinileyo embusweni kanye laye wonke uIsrayeli ukuba abe yinkosi, njengelizwi leNkosi mayelana loIsrayeli.

1 ImiLando 13:1

UDavida wakhulumisana labaphathi bonke bezinkulungwane labamakhulu.

1 ImiLando 26:32

Inkosi uDavida yakhetha amadoda alamandla ayizinkulungwane ezimbili lamakhulu ayisikhombisa, ayizihlobo zikaJeriya lezinhloko zezindlu, wawenza abaphathi babakoRubeni labakoGadi labengxenye yesizwe sakoManase ezintweni zonke zomsebenzi kaNkulunkulu lowenkosi.

1 ImiLando 27:2

UJashobeyamu indodana kaZabidiyeli wayephethe isigaba sokuqala enyangeni yokuqala; esigabeni sakhe kwakulabantu abazinkulungwane ezingamatshumi amabili lane;

1 ImiLando 28:1

UDavida wabuthanisa eJerusalema zonke izinduna zakoIsrayeli lezinduna zezizwe lezinduna zezigaba ezazisebenzela inkosi, labaphathi bezinkulungwane labamakhulu, labaphathi bempahla yonke labezifuyo zenkosi labezamadodana ayo labathenwa basesigodlweni, lamaqhawe, lawo wonke amadoda empi alamandla.

1 ImiLando 29:6

Inhloko zezindlu zasezinikela iminikelo yazo ngenhliziyo, lezinduna zezizwe, labaphathi bezinkulungwane labamakhulu, labaphathi bomsebenzi wenkosi.

2 ImiLando 1:2

USolomoni wakhuluma kubo bonke abakoIsrayeli, kubaphathi bezinkulungwane labamakhulu, lakubahluleli, lakuzo zonke izinduna zakoIsrayeli, lenhloko zezindlu.

U-Eksodasi 18:25

UMose wakhetha amadoda alamandla phakathi kwabo bonke abakoIsrayeli, wawabeka aba yizinhloko zabantu, induna zezinkulungwane lezinduna zamakhulu lezinduna zamatshumi amahlanu lezinduna zamatshumi.

UMikha 5:2

Kodwa wena, Betlehema Efratha, omncinyane ukuba ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo.

UDutheronomi 1:15

Ngakhoke ngasengithatha izinhloko zezizwe zenu, amadoda ahlakaniphileyo, alolwazi, ngawabeka aba zinhloko zenu, izinduna zezinkulungwane lezinduna zamakhulu, lezinduna zamatshumi amahlanu, lezinduna zamatshumi, leziphathamandla zezizwe zenu.

UJoshuwa 23:1

Kwasekudlule isikhathi eside iNkosi isiphumuzile uIsrayeli ezitheni zakhe ezazimhanqile, loJoshuwa wayeselixhegu.

1 USamuyeli 8:12

Izazibekela kiwo izinduna zezinkulungwane lezinduna zamatshumi amahlanu, amanye azalima amasimu ayo, avune amabele ayo, enze izikhali zayo zempi lempahla yezinqola zayo zokulwa.