1 ImiLando 21:8 - iBhayibhili Elingcwele 1978

⁸ UDavida wathi kuNkulunkulu: Ngonile kakhulu ngalokho engikwenzileyo. Ngakho ngiyakuncenga, akuthethelele ububi benceku yakho, ngoba ngenzile ubuthutha obukhulu.

IBhayibhili Elingcwele LesiNdebele

⁸ Ngakho uDavida wasesithi kuNkulunkulu, “Ngonile kakhulu phambi kwakho ngokwenza lokhu. Ngakho, ngiyakuncenga, susa umlandu lo encekwini yakho. Ngenze ubuwula obukhulu kakhulu.”

1 ImiLando 21:8 Mawu Ofanana

UGenesisi 34:7

Amadodana kaJakobe afika evela egangeni esezwile lokhu; adabuka, athukuthela kakhulu ngoba uShekema enze ihlazo koIsrayeli ngokulala lendodakazi kaJakobe, into engafanele ukwenziwa.

2 USamuyeli 12:13

UDavida wasesithi kuNathani: Ngonile eNkosini. UNathani wathi kuDavida: LeNkosi isusile isono sakho; kawuyikufa.

2 USamuyeli 13:13

Minake ngingatshona ngaphi lehlazo lami na? Lawe uzaphenduka isiphukuphuku koIsrayeli. Ake ukhulume lenkosi, ngoba kayiyikwala lami.

2 USamuyeli 24:10

UDavida wahlabeka enhliziyweni emva kokubala kwakhe abantu. Wathi eNkosini: Ngonile kakhulu ngalokho engikwenzileyo. Ngakho, Nkosi, ngiyakuncenga, akuthethelele ububi benceku yakho, ngoba ngenzile ubuthutha obukhulu.

1 ImiLando 21:7

Kodwa lokho kwaba kubi kuNkulunkulu, wamshaya uIsrayeli.

2 ImiLando 10:9

Wathi kuwo: Lithi sibaphendule sithini lababantu abathe kimi: Ake uphungule ubunzima esabethweswa nguyihlo?

AmaHubo 25:11

Ngenxa yebizo lakho, Nkosi, ngithethelela ukona kwami, ngoba kukhulu.

AmaHubo 32:5

Ngasivuma isono sami kuwe, kangisifihlanga isiphambeko sami, ngathi: Ngizakuvuma iziphambeko zami eNkosini. Wena wathethelela icala lesono sami.

UJeremiya 3:13

Vuma kuphela icala lakho ukuthi uyihlamukele iNkosi uNkulunkulu wakho, wakhonza onkulunkulu bezizweni ngaphansi kwazo zonke izihlahla eziluhlaza, lokuthi kawulalelanga ilizwi lami, kutsho iNkosi.

UHosiya 14:2

Lungisani amazwi enu, libuye eNkosini; lithi kiyo: Susa konke okubi kithi ukuba wamukele okuhle, sikudumise ngemilomo yethu.

UJohane 1:29

Ngakusasa wabona uJesu esiza kuye, wathi: Khangelani, iWundlu likaNkulunkulu elisusayo isono somhlaba.

1 UJohane 1:9

Uba sivuma izono zethu, uthembekile yena, ulungile futhi, ngakho uzakusithethelela izono zethu, asihlambulule kukho konke ukungalungi.

1 USamuyeli 13:13

USamuweli wathi kuSawuli: Wenze ubuthutha; kawuwugcinanga umlayo weNkosi uNkulunkulu wakho eyakulaya wona; ngoba iNkosi ibizakuwumisa kokuphela umbuso wakho koIsrayeli.

1 USamuyeli 26:21

USawuli wasesithi: Ngonile; buya, mntanami Davida, ngoba kangisayikukulimaza, ngoba ukuphila kwami bekuligugu kuwe lamuhla. Ngenze ubuphukuphuku, ngaduha kakhulu.