1 ImiLando 21:23 - iBhayibhili Elingcwele 1978

²³ UOrnani wasesithi kuDavida: Sithathe, inkosi yami yenze lokho ekubona kulungile kuyo; khangela, ngiyakunika lezinkabi zibe yiminikelo yokutshiswa, lezimbulo zokubhula zibe zinkuni, lamabele abe ngumnikelo wempuphu. Ngiyakunika konke lokhu.

IBhayibhili Elingcwele LesiNdebele

²³ U-Onani wathi kuDavida, “Sithathe! Inkosi yami kayenze lokho ebona kuyithokozisa. Khangela, mina ngizaletha inkabi zomnikelo wokutshiswa, lemibhulo yokubhula izakuba zinkuni, ingqoloyi izakuba ngumnikelo wamabele. Konke lokhu ngiyakunika.”

1 ImiLando 21:23 Mawu Ofanana

1 AmaKhosi 19:21

Wasebuyela, wathatha inkabi zakhe ezimbili, wazihlaba, wabasa ngamajogwe umlilo wokupheka inyama yazo, wayinika abantu, bayidla. Wasesuka elandela uElija, waba yinceku yakhe.

1 ImiLando 21:22

UDavida wathi kuOrnani: Ngithengisela isiza sakho ukuba ngakhele kuso iNkosi ialtare, ungithengisele sona ngentengo yaso epheleleyo ukuze umkhuhlane udede ebantwini.

1 ImiLando 21:24

Kodwa inkosi uDavida yathi: Atshi bo, kodwa ngizakuthenga ngentengo yaso epheleleyo; kangiyikunikela eNkosini okungokwakho, loba nginikele iminikelo yokutshiswa engangibizanga lutho.

UJeremiya 32:8

Wasefika kimi uHanameli umfowethu egumeni labalindi, njengokutsho kweNkosi, wathi kimi: Thenga insimu yami eseAnathothi elizweni lakoBenjamini, ngoba nguwe oyisihlobo sokuqala olelungelo lokuyithenga; zithengele yona. Ngasengisazi ukuba lelilizwi livela eNkosini.

1 USamuyeli 6:14

Inqola yangena ensimini kaJoshuwa waseBeti‐Shemeshi, yema khona. Kwakukhona lapho ilitshe elikhulu; basebeyibanda inqola yaba zinkuni, basebenikela eNkosini ngamankomokazi aba ngumnikelo wokutshiswa.