1 ImiLando 19:2 - iBhayibhili Elingcwele 1978

² UDavida wathi: Ngizamenzela umusa uHanuni indodana kaNahashi, ngoba uyise wangenzela umusa. UDavida wasethuma izithunywa ukuyamkhalela ngoyise. Zafika kuHanuni elizweni lamaAmoni ukumkhalela.

IBhayibhili Elingcwele LesiNdebele

² UDavida wacabanga wathi, “Ngizakuba lomusa kuHanuni indodana kaNahashi ngoba uyise wayelomusa kimi.” Ngakho uDavida wathuma izithunywa ukuyakhalela uHanuni ngoyise. Izithunywa zikaDavida zithe zifika kuHanuni ukuthi zimkhalele elizweni lama-Amoni,

1 ImiLando 19:2 Mawu Ofanana

2 USamuyeli 9:1

UDavida wathi: Kusekhona yini oseleyo endlini kaSawuli ukuba ngimenzele umusa ngenxa kaJonathani na?

2 USamuyeli 9:7

UDavida wasesithi kuye: Ungesabi, ngoba ngizakwenzela umusa ngenxa kayihlo uJonathani; ngizakukubuyisela lonke ilizwe likayihlomkhulu uSawuli, udle njalo etafuleni yami.

2 AmaKhosi 4:13

UElisha wasesithi kuye: Tshono kuye uthi: Khangela, usenzele konke lokhu, thina singakwenzelani na? Uthanda ukuba sikukhulumele enkosini kumbe enduneni yempi na? Waphendula wathi: Atshi, ngihlala phakathi kwabantu bakithi.

1 ImiLando 19:1

Kwathi emva kwalokho uNahashi inkosi yamaAmoni wafa, indodana yakhe yaba yinkosi esikhundleni sakhe.

1 ImiLando 19:3

Izikhulu zamaAmoni zathi kuHanuni: Kambe ucabanga ukuthi ngoba uDavida ethumele abaduduzi kuwe, uyamhlonipha uyihlo na? Izinceku zakhe kazizanga kuwe ukuba ziphenye ilizwe, zilihlole, zilichithe na?

UNehemiya 13:1

Ngalolosuku bababalela abantu ugwalo lukaMose; kwafunyaniswa kulotshiwe kulo ukuthi abaseAmoni labaseMowabi kabasoze bangene ebandleni likaNkulunkulu,

UNehemiya 4:3

UTobiya umAmoni wayelaye, yena wathi: Yebo, lalokho abakwakhayo, uba ikhanka likhwela phezu komduli wakho wamatshe lingakudilizela phansi.

UNehemiya 4:7

Kodwa kwathi oSanibalati loTobiya lamaArabiya lamaAmoni labaseAshidodi sebezwile ukuthi ukwakhiwa kwemiduli yaseJerusalema kuyaqhubekela phambili lokuthi izikhala seziqala ukuvaleka, bathukuthela kakhulu;

U-Esta 6:3

Inkosi yathi: UMoridekayi wanikwa udumo bani lobukhulu bani ngalokhu na? Inceku zenkosi ezazikhona zayitshela ukuthi uMoridekayi kenzelwanga lutho.

UmTshumayeli 9:15

Kwatholakala phakathi kwawo umuntu ohlakaniphileyo ongumyanga, yena ngokuhlakanipha kwakhe wawakhulula lowomuzi. Kanti kakho owake wamkhumbula lowomuntu ongumyanga.

UJohane 11:19

Abanengi kubaJuda babefikile kuMatha loMariya ukuba babakhalele ngomnewabo.

1 USamuyeli 30:26

UDavida esefikile eZiklagi, wathumela enye impango kwabadala bakoJuda lakubangane bakhe, wathi: Nanso isiphiwo senu esivela empangweni yezitha zeNkosi uNkulunkulu.