1 ImiLando 13:2 - iBhayibhili Elingcwele 1978

² Wathi kubo bonke abakoIsrayeli: Uba kulungile kini, uba kuyintando yeNkosi uNkulunkulu wethu, asithumeleni ilizwi kubafowethu abaseleyo elizweni lonke lakoIsrayeli lakubapristi lamaLevi emizini elamadlelo ukuba bezehlangana lathi.

IBhayibhili Elingcwele LesiNdebele

² Wasesithi kuwo wonke umbuthano wako-Israyeli: “Nxa likubona kulungile njalo nxa kuyintando kaThixo uNkulunkulu wethu, asithumeleni ilizwi eduze lakhatshana kubo bonke abafowethu kuwo wonke amazwe ako-Israyeli, kanye lakubaphristi labaLevi abalabo khonale emadolobheni abo lasemadlelweni abo, sibanxusa ukuthi beze bazohlanganyela kanye lathi.

1 ImiLando 13:2 Mawu Ofanana

1 AmaKhosi 12:7

Bathi: Uba uzakuba yinceku yalababantu lamhla ubakhonze, ukhulume kibo amazwi amahle nxa ubaphendula, bazakuba zinceku zakho kokuphela.

2 AmaKhosi 9:15

inkosi uJehoramu yayisibuyele eJezereli ukuba kuphole amanxeba eyayiwalinyazwe ngamaSiriya ekulweni kwayo loHazayeli inkosi yaseSiriya. UJehu wathi ezincekwini: Uba lifuna lokhu, kakungaphumi muntu emzini ukuyabika indaba eJezereli.

1 ImiLando 10:7

Kwathi lapho bonke abakoIsrayeli ababehlala esigodini bebona ukuthi abakoIsrayeli babalekile, lokuthi uSawuli lamadodana akhe sebefile, batshiya imizi yabo, babaleka; amaFilistiya afika, ahlala kiyo.

1 ImiLando 13:1

UDavida wakhulumisana labaphathi bonke bezinkulungwane labamakhulu.

1 ImiLando 13:3

Besesilanda futhi umtshokotsho wesivumelwano sikaNkulunkulu wethu, ngoba kasiwunanzanga ensukwini zikaSawuli.

U-Eksodasi 18:23

Uba usenza lokhu, loNkulunkulu evumelana lakho, uzakuba lamandla okusebenza, labo bonke lababantu bazabuyela endaweni zabo ngokuthula.

Izaga 15:22

Amaqhinga enziwe ngaphandle kwezeluleko ayachitheka, kodwa uba esenziwa ngabeluleki abanengi ayaphumelela.

U-Isaya 37:4

Mhlawumbe iNkosi, uNkulunkulu wakho, iwezwile amazwi enceku enkulu ethunywe yinkosi yayo yaseAsiriya ukuba iklolodele uNkulunkulu ophilayo, lokuthi izakukukhuza yona iNkosi uNkulunkulu wakho lokhu ekuzwileyo. Ngakhoke ake ukhulekele ingcosana eseleyo.

1 USamuyeli 31:1

AmaFilistiya alwa loIsrayeli; abakoIsrayeli behlulwa, abanengi bafela entabeni yaseGilibowa.