1 ImiLando 11:10 - iBhayibhili Elingcwele 1978

¹⁰ Lezi yizinduna zamaqhawe kaDavida ezazimsekele ngokuqinileyo embusweni kanye laye wonke uIsrayeli ukuba abe yinkosi, njengelizwi leNkosi mayelana loIsrayeli.

IBhayibhili Elingcwele LesiNdebele

¹⁰ Lezi zinduna zamaqhawe kaDavida ezazimsekele ngokuqinileyo embusweni kanye laye wonke u-Israyeli, ukuba abe yinkosi, njengokuthembisa kukaThixo.

1 ImiLando 11:10 Mawu Ofanana

2 USamuyeli 3:21

UAbineri wasesithi kuDavida: Sengihamba, ngibuthanise wonke uIsrayeli kuwe, nkosi yami, ukuba benze isivumelwano lawe, ukuba ubuse kukho konke okufiswa yinhliziyo yakho. UDavida wasemvumela uAbineri ukuba ahambe, wazihambela kuhle.

1 ImiLando 11:3

Kwafika bonke abadala bakoIsrayeli enkosini uDavida eHebroni; yenza isivumelwano labo eHebroni phambi kweNkosi. Bamgcoba, waba yinkosi koIsrayeli, njengokutsho kweNkosi ngoSamuweli.

1 ImiLando 12:21

Bamsiza uDavida ukulwa lezimpana zabahlaselayo, ngoba bonke babengamaqhawe alamandla, bengabaphathi bempi.

1 ImiLando 12:23

Nanku umumo wezigaba zamabutho ayehlomile, eza kuDavida eHebroni ukumthathela umbuso kaSawuli ukuba ube ngowakhe, njengokutsho kwelizwi leNkosi.

1 ImiLando 12:24

AbakoJuda ababehlomile ngezihlangu lemikhonto babezinkulungwane eziyisithupha lamakhulu aficaminwembili.

1 ImiLando 12:38

Wonke lamadoda empi eselungele ukulwa afika eHebroni ezimisele ukubeka uDavida abe yinkosi yabakoIsrayeli bonke; ngokunjalo labo bonke abanye bakoIsrayeli babelengqondonye yokubeka uDavida abe yinkosi.

1 ImiLando 12:39

Bahlala lapho loDavida insuku ezintathu besidla benatha, ngoba abafowabo babebalungisele.

1 ImiLando 27:1

Nanka amabizo abakoIsrayeli, inhloko zezindlu, abaphathi bezinkulungwane labamakhulu, lababhali babo, ababesebenzela inkosi emisebenzini yezigaba zabo; zona zazophisana inyanga ngenyanga ukusebenza kuwo wonke umnyaka. Leso lalesosigaba sasilabantu abazinkulungwane ezingamatshumi amabili lane.

1 ImiLando 28:1

UDavida wabuthanisa eJerusalema zonke izinduna zakoIsrayeli lezinduna zezizwe lezinduna zezigaba ezazisebenzela inkosi, labaphathi bezinkulungwane labamakhulu, labaphathi bempahla yonke labezifuyo zenkosi labezamadodana ayo labathenwa basesigodlweni, lamaqhawe, lawo wonke amadoda empi alamandla.

1 USamuyeli 16:1

INkosi yathi kuSamuweli: Koze kube nini umkhalela uSawuli lokhu mina ngimlahlile ukuba angabe esaba yinkosi koIsrayeli na? Gcwalisa uphondo lwakho ngamafutha, uhambe; ngizakukuthuma kuJese waseBetlehema, ngoba ngizibonele inkosi emadodaneni akhe.