Léwka 1:79 - Zliya Yǝwǝn kwǝma wǝzǝ naa dzǝkǝn Yesǝw Kǝristǝw

⁷⁹ Waŋ pi tsa vay, ghəci dza naa mbərə kaa mbəzli mbə kwəsli, lə kaa mbəzliy hazləni va məti. Ghəci dza naa cimmə kwal tsaa dzəvəgha Hyala, ta mbə zərkəə nza kwa jipə ghwəmmə li» kə Zakari kaa cəm tsa ci va.

Léwka 1:79 Mawu Ofanana

Matiye 4:16

ghwəy ghwəy mbəzli mbə kwəsliŋwəy niy, ta nay waŋ tsaa dzaa məniva tərəŋw tsa dza ghwəy. Mbaꞌa waŋ tsa va dzaa səəkəy dzəkən mbəzliy nzəyshi mbə zhəkwətə, tə pətsa nza məti, kə niy ni.

Léwka 2:32

Ghəci na waŋ pi tsaa dzaa canshi kwal tsaa nəwŋa kaa hwəlfə mbəzli tə hiɗi gwanashi. Ghəci dza naa fə shəndəkəə dzəti ka *Izərayel ghəshi mbəzli gha» kə.

Zhañ 1:9

Ma ntsa nza slən tsa ci vaa «Kwəma gəzə Hyala» kiy, ghəci naa mbərə waŋ pi tsa kataŋ kataŋ tsa. Mbaꞌa səəkəy dzəti hiɗi tikə, dzəghwa ka mbərə kaa nefer mbəzli gwaꞌa.

Zhañ 12:46

Yənəy, nja waŋ tsaa mbərə kaa mbəzli səəkəree tikə tə hiɗi. Vantaa ntsaa ndara nəfə tsa ci nzəy mbə kwəsli.

Zhañ 8:12

Zhini Yesəw ka gəzə kwəma kaa vərəm tsaa ɓasəy va. Ma kə na: «Favə tə ghwəy, waa yən na waŋ pi tsaa mbərə kaa mbəzli tə hiɗi gwanashi. Ntsaa nəwvəray, ka dza naa nza mbə kwəsliw. Ta kwəmavə waŋ tsaa dzaa canci kwal, ta kwəmavə piy tsaa kəɗi ma dza na» kə.

Zhañ 9:5

Ghala pətsa nzee tsa tikə tə hiɗi diy, yən na waŋ pi ta mbəzli tə hiɗi» kə Yesəw.

Sléni ka kwal Yeséw 10:36

A ghwəy sənay, miy tsaa niy ghwənikə Hyala kaa ka *Izərayel. Miy tsa vay, Yəwən kwəma wəzə na, saa ɓəpə zərkə mbə slən tsa Yesəw *Kəristəw na. Ghəci na Ndə sləkəpə gwaꞌa.

Sléni ka kwal Yeséw 26:18

Ma ghwəni tsa ghwəniŋee tsaa dzəmbə shiy, a gha dza ta ghwənamti mətsə shi, ka zhəghəkəshi zhəkə mbə kwəsliy dzəmbə waŋ pi, ka ɓəkəvərishi mbə dəvə *ndə jaka tsa Hyala, ta dzəvəgha Hyala nə ya. Ta mbə ghəshiy kwəmavə pəli jikir tsa shi, sa ka ghəshi ndara nefer shi. Mbaꞌa ta mbə ghəshiy kwəmavə tsa shi pi nzəy mbə mbəzli Hyala” kə.

Zliya tsasliti Pél kaa ka Rém 3:17

Sənay kwal nzəy lə zərkə kwa jipə shi lə nihwəti mbəzli ghəshiw.

Efesé 5:8

Niy nzay, mbəzliy dza mbə kwəsli niy nza ghwəy. Nana ki sa jakəŋwəy ghwəy lə Ndə sləkəpə Yesəwəy, mbəzliy dza mbə waŋ pi nza ghwəy. Va tsəgha kiy, mənim kwəma nja mbəzliy dza mbə waŋ pi nana.