Ebéré 4:7 - Zliya Yǝwǝn kwǝma wǝzǝ naa dzǝkǝn Yesǝw Kǝristǝw

⁷ Va tsəgha zhini Hyalaa fəy nahwəti vici ta dəkəva məndi ti ki, «ndatsə» kə kaa har vici va. Ma ləy hwəm, sa zləɓavə ma jijihimmə kwəma Hyalay, mbaꞌa Hyala nzay nza gar piya ɗaŋ, mbaꞌa zhiniy ꞌwati gəzə kwəmaa dzəkən vici va, lə miy tsa *Davitə. Ma kə na: «War mbaꞌa pə ghwəy favə gaka məlee ndatsəy, əntaa ghwəy taa mənti məhərli ghwəy caslakə ma» kə.

Ebéré 4:7 Mawu Ofanana

Matiye 22:43

Ma kə Yesəw ngəshi na: «Ndata tsəgha na kiy, njaa zhəkə na niy zhini mazə Davitəə har Kəristəw: “Ndə sləkəra” kə, sa cinti *Safə tsa Hyalaa? A mazə Davitə niy gəzəkə, ma kə niy niy:

Marké 12:36

Mazə Davitə dəꞌwə ghən tsa ciy, aa gəzəkə lə bərci *Safə tsa Hyala, a kəy: Ma kə Hyala kwa sləkəpə kaa Ndə sləkəray: “Ndi nzəyŋa tə kwa bəzəmee, paꞌ fəca dzee mənti ka mbəz gha, ka mbəzli tə dəvə gha!” kə.

Léwka 20:42

Ya Davitə dəꞌwə ghən tsa ci kiy, aa gəzəkə mbə *zliya cəm tsa ci, ma kəy: Ma kə Hyala kwa sləkəpə, kaa Ndə sləkəray: “Ndi nzəyŋa tə kwa bəzəmee,

Sléni ka kwal Yeséw 2:29

A ngwarməhiraa zhər, ndaram kwal jəwə, e gəzaŋwəy kwəma bazhə bazhə dzəkən ndə nja jijimmə Davitə. Ghəciy, aa mətiy, ta na tsa ci ghən. Sa mətiy na na, laꞌ məndi lamti, tiɓa kwəli ci vəgha ghwəmmə ya paꞌ ndatsə.

Sléni ka kwal Yeséw 2:31

Ma sa nata Davitə kwəma va tsəgha ghala kwataŋata kiy, mbaꞌa gəzəy kwəma sati tsa *Kəristəw mbə məti, ghala kwa nə na vaa ni: Ka dza Hyalaa zlay ntsa tivə na mbə mbəzli bəkwə bəkwə niw, ka dza naa zlay ghwaɓəyəw, kə.

Sléni ka kwal Yeséw 28:25

Dza ghəshi ka ndaniva tsəgha, kala sləkati kwəma va ghəshi wəzə kwa jipə shi. Ma kə Pəl kaa na kəray na ti ngəshi na: «Aya, avanayəy, kataŋ na kwəmaa niy gəzanshi Safə tsa Hyala va kaa jijihiŋwəy lə miy tsa *Ezay ndə gəzə kwəma Hyala, sa niy nə na va:

Ebéré 3:15

Avanta kwəma gəzəkə Hyala tə Zliya nzə, a kəy: «War mbaꞌa pə ghwəy favə gaka məlee ndatsəy, əntaa ghwəy mənti məhərli ghwəy caslakə njasa niy mənti jijihiŋwəy va niy nza mbə gamba, ghala pətsaa niy zhiniɗa ghəshi va ghən ma» kə.