Luke 9:52 - Anmatyerr Bible

⁵² Rang tjerrtj rrpwetj lanthek arrwekel, town kwek nyent-warn Samaria-warn, inang mer renh aretjeh, inang intetjeh-anngernt.

Luke 9:52 Mawu Ofanana

Luke 10:1

Ngkart Jesu-el angketj irlpwengerr-ngerr ilekarl-penh rang nakenh-nakenh 72 urraremel ngwek. Rang inenh lanthek, town map-warn mer map-warn thwen alhetjeh. Rang inenh atherrek-atherr kwet lanthek, kwereng arrwekel alhetjeh.

Luke 10:33

Kwer-penh artwang Samaria-areny nyent petjek. Rang artwang renh arek, irlkert interl-anerleh. Rang kwer lharrp-irrek.

Luke 17:11

Jesu rang Jerusalem-warn mpank alhetjam, rang mer Samaria mer Galilee thweneng mpwep-angkwerr alherl-apetjam.

Luke 17:16

Rang amperel-ayeng arrernelhek, Jesu kwer kangkemel angkek. Artwang nhenh rang Samaria-arenyarl anek.

Luke 7:27

Angketj John kwer-penh Altjerr-henh pipel-ayeng intem: ‘Thang angketj ilenh-ilenh tjengenh ngkwengeng arrwekel lanthetjenh. Rang ngkweng tjey angerr mpwaretjenh.’

John 4:4

Jesu rang mer Samaria-angkwerr anper alhek mer Galilee-warn.

John 4:5

Rang town nyent-angkwerr anper alhek, arreny kwerenh Sychar, mer Samaria-el. Mer Sychar kwereng rtwang war farm nyent anek. Farm nhenhan arrwekeleny Jacob-el ler kwerenheh Joseph-eh ngkwey anthekarl.

John 4:9

Marl rang renh ilek, “Ntwang kwenh tjerrtj Jew, kenh yeng marl Samaria-arenyarl. Nthakenharl ntwang tjeng kwatjeh nkem? Nwern unpartek-unpart anem Judea-areny mapek, peltj-kweny!”

John 8:48

Tjerrtj mapel Jesu renh ilek, “Nwern ngwenh arratj anthwerr ilem, ntwang Samaria-areny anemeng, artwang arrentj-akert.”