John 16:10 - Anmatyerr Bible10 Tjerrtj inang itja Altjerr arratj alhengk-arek. Lakenheng Kwerrern rang inenh iletjenh, inang itja arratj mernelhek. Tjerrtj inang arratjant alhengk-aremel mernelhetjeh. Yeng Angey-warn alpetjenh, arrantherremeh yengenh itja weth aretjenh. Onani mutuwo |
Altjerr rang kaltj, arltang kwerel rang tjerrtj ingkerrek judge-em-ilemel pawenhetjenh. Rang kel artwang nyent ngkernekarl, artwang rang arltang kwerel tjerrtj ingkerrek pawenhetjeh-anngernt. Nthakenh nwern kaltj anetjek, angketj nhenh arratj anemeng? Rang artwang ngkernekarl nheng irrernngeng kemelh-ilekarl. Lakenheng nwern kaltj anetjenheng, angketj nhenh arratj anem.” Lakenh Paul-el inenh kaltj-anthetjam.
Arrwekeleny arrehantherr-henh kwenh Altjerr-henh angketj angenh-angenh mapeh ahentj-kweny mernelhek. Inang arrpenh inenh irrernng atwek, inarl tjerrtj map arrwekel kwet ilekarl, ‘Artwang arratj anthwerr rang petjetjenharl.’ Artwang nhenh kel petjek. Arrantherremeh artwang arratj renh atwenh-atwenh mapeh anthekarl, renh irrernng atwetjeh. Arrantherr kel renh irrernng atwek!
Altjerrel angketj tjeperr kwerenh lyetant keth-ilek. Ngkweyeng-ntjel rang angketj nhenh arltwentjekarl. Angketj lakenh rang intem: Christ rartek ahelh nhenhel ngwerrm-irrek, rang tjerrtj mpwerrk kwerenh mernelhek. Kwerrern Alngaltarel mernek, Christ rang kwenh arratj anemeng. Angel alker-areny mapel renh arek. Kwertengerl kwerenh mapel tjerrtj mapeh kwer-penh kaltj-antherl-apek mer mapel. Tjerrtj mapelemeh renh nakem ahelh apanpel. Altjerr Angeyel renh mer alker-warn angkep anginek, parrtj angerrel-ayeng anetjenheng.