John 12:40 - Anmatyerr Bible

⁴⁰ “Altjerrel anngang tjerrtj map-henh pweng-ilek, inang anngang inehenhel arehetj. Rang iterrentj inehenh perrpert-ilek, inang arratj iterl-arehetj. Kwereng inang twep-irrehetj, Altjerrel inenh mwerr-ilehetj.”

John 12:40 Mawu Ofanana

Mark 4:12

Thang arrantherrenh ilem Altjerr-henh angketj ngkweyeny nhenh, ‘Inang angketj tjengenh awetjenheng, inang angketj tjengenh itja alhengk-aretjenheng. Inang apek angketj tjengenh arratj kangkwerremel alhengk-aremeng, inang Altjerr-warn twep-irrehetj, Altjerrel anetj inehenh wehetjeng.’ “Angketj lakenh intem Altjerr-henh angketjel-ayeng.”

Mark 6:52

Inartek angwerrekarl, inang itja mern nheng-penh iterl-arek, Jesu-arl rang twer anthwerr anek.

Luke 4:18

“Ngkart rang Kwerrern kwerenh tjeng-warn lanthek, rang yengenh ngkernek, angketj mwerr iletjeh tjerrtj rnwanentj-kweny maney-kweny mapeh. Rang yengenh urrpey lanthek, tjerrtj arrentjel rrkwekarl map iletjeh, ‘Ngkartel kwenh arrantherrenh arrentjeng rakem!’ Thang tjerrtj pweng map iletjeh, ‘Ngkartel kwenh anngang arrehantherr-henh aretjeh mpwarem!’ Thang tjerrtj nakepakel-irrekarl map iletjeh, ‘Ngkartel kwenh arrantherrenh ilem, “Thang iterleng-iterl anetj arrehantherr-henh wem, arrantherr arrkenemeh alartewarretjenh!” ’

Luke 8:10

Jesu-el inenh ilek, “Thang arrantherrenhant nhenh-penh kaltj-anthem, arrantherr angketj nhenh alhengk-aretjeh, Altjerr kel petjekarl, tjerrtj ingkerrekeh mernelhetjeh, rang Ngkart angerr anemeng. Tjerrtj arrpenh map inarl itja peltj tjengenh anemeng, thang inenh itja kaltj-anthetjenh, thang angketj war ilem. Yeng ineh-penh angkem, ‘Inang aretjenh, inang itja alhengk-aretjenheng. Inang angketj tjengenh awetjenh, inang angketj itja alhengk-aretjenheng.’ Angketj lakenh Altjerr-henh pipel-ayeng intem.”

John 12:39

Tjerrtj inang Jesu renh ywarn nakek. Isaiah-el angketj arrpenh nhenh pip-warn arrernek,

John 9:39

Jesu angkek, “Yeng ahelh nhenh-warn petjek, tjerrtj map ahelh apanpel judge-em-iletjeh. Tjerrtj arrpenh map inang tjerrtj pweng-arteh war anem, yengenh iterl-aretj-kweny anem. Thang inenh anngang alngampelh-iletjenh. Thang inenh kaltj-anthem, inang yengenh iterl-aretjehemeh. Tjerrtj arrpenh map inang nakelhem, inang mwerr-arrpantey, inang tjey anetjel kwet alherl-apetjenh, artwang pweng-arteh ngwemerntel-arteh alherl-apem. Inang yengenh iterl-aretj-kweny anem, nakentj-kweny anem. Thang inenh itja mwerr-iletjenh, itja kaltj-anthetjenh.”

Acts 15:3

Kel werlamparenyel artwang inenh lanthek. Paul map mer Phoenicia-angkwerr mer Samaria-angkwerr thwen anper alhek. Inang nakenh-nakenh arrpenh map inenh ilerl-apetjam, tjerrtj lwereny inang Altjerr kwer-warn twep-irrekarl-penh. Nakenh-nakenh inang angketj nhenh awemel kangkek.

Acts 28:26

‘Tjerrtj nhenh map-warn inenh ilerl-alhang, “Arrantherr angketj Altjerr-kenh kweteth awerl-anem, kel angketj nhenh awekarl-penh arrantherr kwet iterl-aretj-kweny anem. Arrantherr kweteth arerl-anem, nthakenharl Altjerrel mpwarem, arrantherr kwet iterl-aretj-kwenyarl, wenharl rang arrantherrenh kaltj-anthetjeh ahentj-anem.

Acts 3:19

Lakenheng arrantherr anetj impetjeh. Altjerr-warnant twep-irrerrerray, rang anetj arrehantherr-henh wetjenh. Kwereng rang arrantherrenh tjep-tjep-iletjenh.