John 1:29 - Anmatyerr Bible

²⁹ Arltang arrpenhel John-el Jesu renh arek, ularr kwer-warn petjerleh. Rang tjerrtj map ilek, “Arerrerrang, artwang nhenh kwenh Altjerr-henh Yep-yep kwek rang. Rang tjerrtj map-henh anetj rrpwaremel wem.

John 1:29 Mawu Ofanana

John 1:35

Arltang arrpenhel John rang mer Bethany-el anetjam, ulpay Jordan-eng ingerr, kwertengerl kwerenh atherr-akert.

John 1:36

John-el Jesu talkw alherleh rtwarek. Rang renh aremel angkek, “Artwang nhak arerl-anerray! Rang kwenh Yep-yep Altjerr-henh anem!”

John 1:43

Arltang arrpenhel Jesu rang ahentj-anek mer Galilee-warn alhetjeh. Rang alherl-apemel Philip renh arek. Rang renh ngwek, “Petj-alhay tjengel-arleng.”

John 2:1

Kweny atherr-penh tjerrtj map town kwek Cana-el mer Galilee-el arraw-irrek, artwang marl thwen-henh tjenkerr arlkwetjeh-anngernt. Artwang marl thwen-henh tjenkerr, ratherr anewartemeh inerretjenh, lakenh tjenkerr angerr arrken anyenetjenh. Jesu-kenh mwek Mary, inehel-ayeng ngwerrm anek.

John 3:16

“Altjerr kwenh tjerrtj ahelh-areny mapeh nyerrkek, lakenheng rang Ler kwerenh nyent renh ahelh-warn lanthek. Kwereng tjerrtj ngwenhel apek Ler kwerenh nakemeng, inang itja kwetant ilwetjenh, inang Altjerrel-ayel iteth ngampekarl anetjenh.

John 4:42

Inang marl renh ilek, “Nwern angketj ngkwengenh-amparr awek, nwern ngwenh kwek war nakek. Lyet nwernarrp renh angkerleh awekarl, lwerenheng nwern renh arratj-lkweremeh naketjenh. Nwern kel kaltj, tjerrtj ahelh-areny mapeh rang tjeperr anthwerr anem. Rang petjek, tjerrtj map twepelh-iletjeh ahelh apanpel.”

John 6:51

Yeng anem mern rang, nheng rang tjerrtj inenh kwetant iteth anyenem. Yeng alkereng petjekarl. Tjerrtj ngwenhel apek mern nhenh arlkwemeng, inang iteth kwetant anetjenh. Mern nhenh tjelk tjengenh anem. Thang tjelk tjengenh tjenkerr-arteh anthem tjerrtj ahelh-areny ingkerrekeh.” Lakenh Jesu ilelhek ineh-warn.

Acts 13:39

Arrantherr Jesu renh nakemeng, kwereng arrantherr Altjerreng ularr arratj anetjeh. Arrantherr apek Moses-henh mpwareng-arengehant kangkwerremeng war, arrantherremeh itja Altjerreng ularr arratj anem.

Acts 8:32

Artwang rang angketj nhenh kweteth read-em-ilerl-apetjam, “Tjerrtjel yep-yep rope-akertel tjarr-angem atwetjeh-anngernt, nheng lakenh-arteh inang artwang nyent renh tjarr-angetjenh, yep-yep-arteh atwetjenh-anngernt, lakenh. Rang ntert irnetjenh arlketj-kweny yep-yep kwek-arteh, inang yep-yep kwek renh altang wool akemarl-arteh, yep-yep rang ntert irnem.

1 Timothy 2:6

Jesu Christ rang mpwerrk kwerenh mentj anthelhek, inang renh irrernng atwetjeh. Inang renh ntwerlk-warn tanthemel arrernewarrek. Lakenh Altjerrel Jesu Christ-el-ayeng tjerrtj nakenh-nakenh ingkerrek anetj inehenheng inek. Inang ilwehetjeng, rang-atwetj ilwek anetj inehenheng arrngel. Jesu Christ rang ilwekarl, Altjerrel tjerrtj ingkerrekeh keth mernek, rang ahentj-anekarl, inenh anetj inehenheng inetjenh, inang iteth ngampekarl anetjenheng.

Titus 2:14

Jesu rang kwewaleny anthelhek, rang ntwerlkel ilwek. Rang ilwek, rang nwernenh anetj nwern-henheng inek, Altjerrel nwernenh anetj-akert atwehetj. Rang nwernenh anetjeng inek, nwern tjerrtj arlaltj kwerenh anetjenheng, arratj anthwerr anetj-kwenh. Nwern kweteth athek-irretjeh, arratj mernelhetjeh.