Acts 2:18 - Anmatyerr Bible

¹⁸ Thang rrkwapenh-apenh tjengenh map-warn rrwey marl thwen-warn Kwerrern Alngaltar tjengenh lanthetjenh, inang angketj tjengenh iletjenheng.

Acts 2:18 Mawu Ofanana

Luke 12:45

“Warl arntarnt-arenh-arenh arrpenh apek itja arratj mernelhem. Rang apek iterrem, ‘Twernk tjengenh kwet anthwerr ywerrek.’ Kwer-penh rang rrkwapenh-apenh map atwem. Rarrp mern angerr arlkwem ngkwarl antjwem thwen. Rang terangk-irrem.

Acts 2:17

‘Mpank Ngkart petj-alpetjeh-anngernt, thang Kwerrern tjengenh tjerrtj map-warn lanthetjenh. Ler arrehantherr-henh mapel rrwey marl thwenel angketj tjengenh ilerl-apetjenh. Artwang anthetj mapel aywang mapel-arlk thwen inang anengkerr aretjenh.

Acts 2:19

Ngkart rang petj-alpetj-kweny-antey, thang-amparr arrehantherreng ularr mernetjenh alkerel ahelhel thwen. Tjerrtj mapel anwerlketjenh nhenh aremel. Inang alhwang, rwang kwert-arlk aretjenh. Aherrk rang kweny-irretjenh, atay rang athethek-irretjenh alhwang-arteh, Kwereng Ngkart rang alkereng petj-alpetjenh twer angerr-akert, tjerrtj ingkerrek court angerrel pawenhemel judge-em-iletjeh-anngernt.

Acts 21:10

Nwern town Caesarea kwerel arltang rrpwetj anek. Altjerr-henh angketj angenh-angenh arrpenh mer Judea-eng petjek, arreny kwerenh anek Agabus.