Yosua 4:8 - Agbenya La

⁸ Israelviwo wɔ abe ale si Yosua ɖo na wo ene pɛpɛpɛ. Wokɔ kpe wuieveawo tso Yɔdan tɔsisi la titina, kpe ɖeka ɖe to ɖeka ɖe sia ɖe nu, abe ale si Yehowa ɖo na Yosua ene tututu. Wokɔ kpeawo yi afi si woƒu asaɖa anyi ɖo le zã ma me hewɔ ŋkuɖodzikpe aɖe ɖe afi ma.

Biblia alo Ŋɔŋlɔ Kɔkɔe La Le Eʋegbe Me 1913

⁸ Eye Israel-viwo wɔ, abe alesi Yosua de se na wo ene; wode kpe wuieve le Yordan titina ɖe Israel-viwo ƒe toawo ƒe xexlẽme nu, abe alesi Yehowa gblɔ na Yosua ene, eye wotsɔ wo va ɖa ɖe afisi wodro ɖo.

Yosua 4:8 Mawu Ofanana

2 Mose 12:28

Israel wɔ abe ale si Yehowa ɖo na Mose kple Aron ene.

2 Mose 24:4

Mose ŋlɔ Yehowa ƒe seawo katã da ɖi. Esi ŋu ke ŋdi kanya la, etu vɔsamlekpui aɖe ɖe to la te, eye wòɖo dzesidekpe wuieve ƒo xlã vɔsamlekpui la, elabena to wuievee wɔ Israel dukɔ la.

Yosua 4:20

Wokɔ kpe wuieveawo tso Yɔdan tɔsisi la me tu ŋkuɖodzikpe ɖe afi ma.

Yosua 4:9

Yosua hã kɔ kpe wuieve tu ŋkuɖodzikpe bubu ɖe Yɔdan tɔsisi la titina, le teƒe si nunɔlawo tsi tsitre ɖo. Ŋkuɖodzikpe sia gali egbegbe.