Psalmowo 38:22 - Agbenya La

²² Va kaba, nàɖem, O! Aƒetɔ, nye Ɖela.

Biblia alo Ŋɔŋlɔ Kɔkɔe La Le Eʋegbe Me 1913

²² Yehowa, megagblẽm ɖi o, nye Mawu, meganɔ adzɔge tso gbɔnye o!

Psalmowo 38:22 Mawu Ofanana

Psalmowo 141:1

O! Yehowa, mele yɔwòm, va gbɔnye kaba. Se nye gbe, ne meyɔ wò.

Psalmowo 22:12

Nyitsu geɖewo ɖe to ɖem; Basan nyitsu sesẽwo ƒo xlãm.

Psalmowo 27:1

Yehowae nye nye kekeli kple nye ɖeɖe. Ame ka mavɔ̃? Yehowae nye mɔ sesẽ na nye agbe, ame ka adzi ŋɔ nam?

Psalmowo 40:13

O! Yehowa, nedze ŋuwò be nàɖem; O! Yehowa, va kaba nàɖem.

Psalmowo 40:17

Ke nye la, meda ahe, eye hiã le tu yem, O! Aƒetɔ, ɖo ŋku dzinye. O! Nye Mawu, wòe nye nye kpeɖeŋutɔ kple nye xɔname, mègahe ɖe megbe o.

Psalmowo 62:2

Eya koe nye nye agakpe, nye xɔxɔ kple nye mɔ sesẽ, eya ta nyemaʋã akpɔ gbeɖe o.

Psalmowo 62:6

Eya hɔ̃ɔ koe nye nye agakpe, nye xɔxɔ kple nye mɔ sesẽ, eya ta nyemaʋuʋu o.

Psalmowo 70:1

O! Mawu, netsɔ nàɖem; O! Yehowa, va kaba nàxɔ nam.

Psalmowo 70:5

Ke nye la, O Mawu, meda ahe, eye hiã tum, eya ta va gbɔnye kaba. O! Yehowa, mègahe ɖe megbe o, elabena wòe nye nye xɔnametɔ kple nye Ɖela.

Psalmowo 71:12

O! Mawu, mèganɔ adzɔge tso gbɔnye o, O! Nye Mawu, va kaba nàxɔ nam.

Yesaya 12:2

Nyateƒe, Mawu nye nye xɔname. Maɖo dzi ɖe eŋu, eye nyemavɔ̃ o. Ɛ̃, Yehowae nye nye ŋusẽ kple nye hadzidzi, eye eyae zu nye xɔname