2 Kronika 8:18 - Agbenya La

¹⁸ Hiram ɖo tɔdziʋu siwo eya ŋutɔ ƒe amewo, ame siwo nya atsiaƒu ŋu dɔ wɔwɔ nyuie la ku la ɖee. Ame siawo kple Solomo ƒe amewo yi Ofir eye wotsɔ sika kilo akpe wuiatɔ̃ vɛ na Fia Solomo.

Biblia alo Ŋɔŋlɔ Kɔkɔe La Le Eʋegbe Me 1913

¹⁸ Eye Xuram tsɔ ʋuwo ɖe eƒe dɔlawo si ɖo ɖee hekpe ɖe ƒu ŋu dɔwɔlawo ŋu, eye woawo kple Salomo ƒe dɔlawo yi Ofir ɖatsɔ sika talento alafa ene blaatɔ̃ tso afima vɛ na fia Salomo.

2 Kronika 8:18 Mawu Ofanana

1 Fiawo 10:22

Asitsatɔdziʋu geɖewo nɔ fia la si siwo yia asigbe le atsiaƒu dzi kple Hiram tɔwo. Wotrɔna gbɔna zi ɖeka le ƒe etɔ̃ me kple sika, klosalo, nyiɖu kple kese ƒomevi vovovowo kple xewo.

2 Kronika 9:10

Fia Hiram kple Solomo ƒe tɔdziʋukulawo tsɔ sika si tso Ofir kple papawuti kple kpe xɔasi geɖewo hã vɛ.

2 Kronika 9:13

Sika si Solomo xɔna ƒe sia ƒe la dea tɔn blaeve vɔ atɔ̃,

2 Kronika 9:21

Asitsatɔdziʋu geɖewo nɔ fia la si siwo yia asigbe le atsiaƒu dzi kple Hiram ƒe dɔlawo tɔwo. Wotrɔna gbɔna zi ɖeka le ƒe etɔ̃ me kple sika, klosalo, nyiɖu kple kese ƒomevi vovovowo kple xewo.

Nyagblɔla 2:8

Mena fiawo kple dutatɔwo dzɔ klosalo kple sika nam. Meɖo ŋutsuwo kple nyɔnuwo ƒe hadzihawo, kpẽkuhawo kple ʋuƒohawo da ɖi. Hekpe ɖe esiawo ŋu la, nye ahiãviwo dze tugbe, eye wosɔ gbɔ fũu.