150 Maupangiri a Mulungu Ochokera m'Baibulo

Pakuti Yehova apatsa nzeru; kudziwa ndi kuzindikira kutuluka m'kamwa mwake.

Koma wina wa inu ikamsowa nzeru, apemphe kwa Mulungu, amene apatsa kwa onse modzala manja, niwosatonza; ndipo adzampatsa iye.

Chiyambi cha nzeru ndicho kuopa Yehova; kudziwa Woyerayo ndiko luntha.

Wodala ndi wopeza nzeru, ndi woona luntha; pakuti malonda a nzeru aposa malonda a siliva, phindu lake liposa golide woyengeka.

Kuopa Yehova ndiko chiyambi cha kudziwa; opusa anyoza nzeru ndi mwambo.

Kumuopa Yehova ndiko chiyambi cha nzeru; onse akuchita chotero ali nacho chidziwitso chokoma; chilemekezo chake chikhalitsa kosatha.

Nzeru ipambana, tatenga nzeru; m'kutenga kwako konseko utenge luntha.

Kwa Iye kuli nzeru ndi mphamvu; uphungu ndi luntha ali nazo.

Tamvera uphungu, nulandire mwambo, kuti ukhale wanzeru pa chimaliziro chako.

kuti Mulungu wa Ambuye wathu Yesu Khristu, Atate wa ulemerero, akupatseni inu mzimu wa nzeru, ndi wa vumbulutso kuti mukamzindikire Iye;

Pakuti nzeru iposa ngale, ndi zonse tizifunitsa sizilingana nayo.

Koma nzeru yochokera kumwamba iyamba kukhala yoyera, nikhalanso yamtendere, yaulere, yomvera bwino, yodzala chifundo ndi zipatso zabwino, yopanda tsankho, yosadzikometsera pamaso.

Landirani mwambo wanga, si siliva ai; ndi nzeru kopambana ndi golide wosankhika. Pakuti nzeru iposa ngale, ndi zonse tizifunitsa sizilingana nayo.

Kodi kulandira nzeru sikupambana ndi golide, kulandira luntha ndi kusankhika koposa siliva?

kuti itonthozeke mitima yao, nalumikizike pamodzi iwo m'chikondi, kufikira chuma chonse cha chidzalo cha chidziwitso, kuti akazindikire iwo chinsinsi cha Mulungu, ndiye Khristu, Ngati munafa pamodzi ndi Khristu kusiyana nazo zoyamba za dziko lapansi, mugonjeranji kuzoikikazo, monga ngati moyo wanu mukhala nao m'dziko lapansi, usaikapo dzanja, usalawa, usakhudza, (ndizo zonse zakuonongedwa pochita nazo), monga mwa malangizo ndi maphunziro a anthu? Zimene zili naotu manenedwe a nzeru m'kutumikira kwa chifuniro cha mwini wake, ndi kudzichepetsa, ndi kusalabadira thupi; koma zilibe mphamvu konse yakuletsa chikhutitso cha thupi. amene zolemera zonse za nzeru ndi chidziwitso zibisika mwa Iye.

Chifukwa kuti chipusa cha Mulungu chiposa anthu ndi nzeru zao; ndipo chofooka cha Mulungu chiposa anthu ndi mphamvu yao.

Mtima wa wozindikira umaphunzira; khutu la anzeru lifunitsa kudziwa.

Masewero a chitsiru ndiwo kuchita zoipa; koma masewero a wozindikira ndiwo nzeru.

Koma kwa munthu anati, Taonani, kuopa Ambuye ndiko nzeru; ndi kupatukana nacho choipa ndiko luntha.

Pakuti nzeru itchinjiriza monga ndalama zitchinjiriza; koma kudziwa kupambana, chifukwa nzeru isunga moyo wa eni ake.

Kudzikuza kupikisanitsa; koma omwe anauzidwa uphungu ali ndi nzeru.

Nzeru ya wochenjera ndiyo yakuti azindikire njira yake; koma utsiru wa opusa ndiwo chinyengo.

Pakudza kudzikuza padzanso manyazi; koma nzeru ili ndi odzichepetsa.

Koma tilankhula nzeru mwa angwiro; koma si nzeru ya nthawi yino ya pansi pano, kapena ya akulu a nthawi yino ya pansi pano, amene alinkuthedwa; koma tilankhula nzeru ya Mulungu m'chinsinsi, yobisikayo, imene Mulungu anaikiratu, pasanakhale nyengo za pansi pano, ku ulemerero wathu,

Tenga nzeru, tenga luntha; usaiwale, usapatuke pa mau a m'kamwa mwanga; usasiye nzeru, ndipo idzakusunga; uikonde, idzakutchinjiriza.

kutcherera makutu ako kunzeru, kulozetsa mtima wako kukuzindikira;

Ndakuphunzitsa m'njira ya nzeru, ndakuyendetsa m'mayendedwe olungama.

Ndipo kudzakhala chilimbiko m'nthawi zako, chipulumutso chambiri, nzeru ndi kudziwa; kuopa kwa Yehova ndiko chuma chake.

Kodi nzeru siitana, luntha ndi kukweza mau ake? Landirani mwambo wanga, si siliva ai; ndi nzeru kopambana ndi golide wosankhika. Pakuti nzeru iposa ngale, ndi zonse tizifunitsa sizilingana nayo. Ine Nzeru ndikhala m'kuchenjera, ngati m'nyumba yanga; ndimapeza kudziwa ndi zolingalira. Kuopa Yehova ndiko kuda zoipa; kunyada, ndi kudzikuza, ndi njira yoipa, ndi m'kamwa mokhota, ndizida. Ndine mwini uphungu ndi kudziwitsa; ndine luntha; ndili ndi mphamvu. Mwa ine mafumu alamulira; akazembe naweruza molungama. Mwa ine akalonga ayang'anira, ndi akulu, ngakhale oweruza onse a m'dziko. Akundikonda ndiwakonda; akundifunafuna adzandipeza. Katundu ndi ulemu zili ndi ine, chuma chosatha ndi chilungamo. Chipatso changa chiposa golide, ngakhale golide woyengeka; phindu langa liposa siliva wosankhika. Iima pamwamba pa mtunda, pa mphambano za makwalala;

Gwira mwambo, osauleka; uusunge; pakuti ndiwo moyo wako.

Lozetsa mtima wako kumwambo, ndi makutu ako ku mau anzeru.

kuti wanzeru amve, naonjezere kuphunzira; ndi kuti wozindikira afikire kuuphungu;

Mundiphunzitse chisiyanitso ndi nzeru; pakuti ndinakhulupirira malamulo anu.

pakuti wondipeza ine apeza moyo; Yehova adzamkomera mtima. Koma wondichimwira apweteka moyo wake; onse akundida ine akonda imfa.

ndi kuti kuyambira ukhanda wako wadziwa malembo opatulika, okhoza kukupatsa nzeru kufikira chipulumutso, mwa chikhulupiriro cha mwa Khristu Yesu.

Ukachenjeza wanzeru adzakulitsa nzeru yake; ukaphunzitsa wolungama adzaonjezera kuphunzira.

Malamulo a Yehova ali angwiro, akubwezera moyo; mboni za Yehova zili zokhazikika, zakuwapatsa opusa nzeru.

Usadziyese wekha wanzeru; opa Yehova, nupatuke pazoipa;

Mwananga, tamvera mau anga; tcherera makutu ku zonena zanga. Asachoke kumaso ako; uwasunge m'kati mwa mtima wako.

Tchera makutu ako, numvere mau a anzeru, nulozetse mtima wako kukadziwa zanga.

Ha! Ndikondadi chilamulo chanu; ndilingiriramo ine tsiku lonse. Malamulo anu andipatsa nzeru yakuposa adani anga; pakuti akhala nane chikhalire.

Mwananga, zisachokere kumaso ako; sunga nzeru yeniyeni ndi kulingalira;

Mtima wa wozindikira ufunitsa kudziwa; koma m'kamwa mwa opusa mudya utsiru.

Koma nzeru, idzapezeka kuti? Ndi luntha, malo ake ali kuti? Munthu sadziwa mtengo wake; ndipo silipezeka m'dziko la amoyo.

Nzeru imangitsa nyumba; luntha liikhazikitsa. Ndinapita pa munda wa waulesi, polima mphesa munthu wosowa nzeru. Taonani, ponsepo panamera minga, ndi kuwirirapo khwisa; tchinga lake lamiyala ndi kupasuka. Pamenepo ndinayang'ana ndi kuganizira, ndinaona ndi kulandira mwambo. Tulo tapang'ono, kungoodzera pang'ono, kungomanga manja pang'ono m'kugona, ndipo umphawi wako udzafika ngati mbala; ndi kusauka kwako ngati munthu wachikopa. Kudziwa kudzaza zipinda zake ndi chuma chonse chofunika cha mtengo wake.

Ndani anapangira mzimu wa Yehova, kapena kukhala phungu lake, ndi kumphunzitsa Iye? Iye anakhala upo ndi yani, ndipo ndani analangiza Iye ndi kumphunzitsa m'njira ya chiweruzo, ndi kumphunzitsa nzeru ndi kumuonetsa njira ya luntha?

Pakuti nzeru idzalowa m'mtima mwako, moyo wako udzakondwera ndi kudziwa, kulingalira kudzakudikira, kuzindikira kudzakutchinjiriza;

Muyendere munzeru ndi iwo akunja, kuchita machawi nthawi ingatayike.

Wodala munthuyo wosayenda mu uphungu wa oipa, kapena wosaimirira m'njira ya ochimwa, kapena wosakhala pansi pa bwalo la onyoza. Komatu m'chilamulo cha Yehova muli chikondwerero chake; ndipo m'chilamulo chake amalingirira usana ndi usiku.

Mutidziwitse kuwerenga masiku athu motero, kuti tikhale nao mtima wanzeru.

Imvani mwambo, mukhale anzeru osaukana.

Wopanda chikamwakamwa apambana kudziwa; ndipo wofatsa mtima ali wanzeru.

Wolandira nzeru akonda moyo wake; wosunga luntha adzapeza zabwino.

Pakuti nzeru ya dziko lino lapansi ili yopusa kwa Mulungu. Pakuti kwalembedwa, Iye agwira anzeru m'chenjerero lao;

Oipa samvetsetsa chiweruzo; koma omwe afuna Yehova amvetsetsa zonse.

Ine ndidzakulangiza ndi kuphunzitsa iwe za njira ukayendayo; ndidzakupangira ndi diso langa lakuyang'ana iwe.

Wonyoza afunafuna nzeru osaipeza; koma wozindikira saona vuto m'kuphunzira.

Kuopa Yehova ndiko mwambo wanzeru; ndipo chifatso chitsogolera ulemu.

Potero, penyani bwino umo muyendera, si monga opanda nzeru, koma monga anzeru; akuchita machawi, popeza masiku ali oipa. Chifukwa chake musakhale opusa, koma dziwitsani chifuniro cha Ambuye nchiyani.

Ndine mwini uphungu ndi kudziwitsa; ndine luntha; ndili ndi mphamvu.

Daniele anayankha, nati, Lilemekezedwe dzina la Mulungu kunthawi za nthawi, pakuti nzeru ndi mphamvu zili zake; pakuti amasanduliza nthawi ndi nyengo, achotsa mafumu, nalonga mafumu, apatsa anzeru nzeru, ndi chidziwitso kwa iwo okhoza kuzindikira.

Pita kunyerere, waulesi iwe, penya njira zao nuchenjere; zilibe mfumu, ngakhale kapitao, ngakhale mkulu; koma zitengeratu zakudya zao m'malimwe; nizituta dzinthu zao m'masika.

Wopusa sakondwera ndi kuzindikira; koma kungovumbulutsa za m'mtima mwake.

Mundidziwitse njira zanu, Yehova; Mundiphunzitse mayendedwe anu. Munditsogolere m'choonadi chanu, ndipo mundiphunzitse; pakuti Inu ndinu Mulungu wa chipulumutso changa; Inu ndikuyembekezerani tsiku lonseli.

Pakuti maganizo anga sali maganizo anu, ngakhale njira zanu sizili njira zanga, ati Yehova. Pakuti monga kumwamba kuli kutali ndi dziko lapansi, momwemo njira zanga zili zazitali kupambana njira zanu, ndi maganizo anga kupambana maganizo anu.

Mwini mtima wanzeru amalandira malamulo; koma chitsiru cholongolola chidzagwa.

Ndipo Mulungu anampatsa Solomoni nzeru ndi luntha lambiri, ndi mtima wodziwa za mitundumitundu, zonga mchenga uli m'mphepete mwa nyanja.

Wokonda mwambo akonda kudziwa; koma wakuda chidzudzulo apulukira.

Mboni zanu ndizo zolungama kosatha; mundizindikiritse izi, ndipo ndidzakhala ndi moyo.

Apititsa pachabe ziwembu za ochenjera, kuti manja ao sakhoza kuchita chopangana chao. Akola eni nzeru m'kuchenjera kwao, ndi uphungu wa opotoka mtima usonthokera pachabe.

Wosowa nzeru akondwera ndi utsiru; koma munthu wozindikira aongola mayendedwe ake.

Mau a m'kamwa mwa munthu wanzeru nga chisomo; koma milomo ya chitsiru idzachimeza.

Mwananga, ukalandira mau anga, ndi kusunga malamulo anga;

Nzeru ifuula panja; imveketsa mau ake pabwalo; iitana posonkhana anthu polowera pachipata; m'mudzi inena mau ake,

Imvani mwambo, mukhale anzeru osaukana. Ngwodala amene andimvera, nadikira pa zitseko zanga tsiku ndi tsiku, ndi kulinda pa mphuthu za makoma anga;

Pakuti yemwe Mulungu amuyesa wabwino ampatsa nzeru ndi chidziwitso ndi chimwemwe; koma wochimwa amlawitsa vuto la kusonkhanitsa ndi kukundika, kuti aperekere yemwe Mulungu amuyesa wabwino. Ichinso ndi chabe ndi kungosautsa mtima.

Ananu, mverani mwambo wa atate, nimutchere makutu mukadziwe luntha; Tamvera mwananga, nulandire mau anga; ndipo zaka za moyo wako zidzachuluka. Ndakuphunzitsa m'njira ya nzeru, ndakuyendetsa m'mayendedwe olungama. Mapazi ako sadzaombana ulikuyenda; ukathamanga, sudzaphunthwa. Gwira mwambo, osauleka; uusunge; pakuti ndiwo moyo wako. Usalowe m'mayendedwe ochimwa, usayende m'njira ya oipa. Pewapo, osapitamo; patukapo, nupitirire. Pakuti akapanda kuchita zoipa, samagona; ndipo akapanda kukhumudwitsa wina, tulo tao tiwachokera. Pakuti amadya chakudya cha uchimo, namwa vinyo wa chifwamba. Koma mayendedwe a olungama akunga kuunika kwa mbandakucha, kunkabe kuwala kufikira usana woti mbee. Njira ya oipa ikunga mdima; sadziwa chimene chiwaphunthwitsa. pakuti ndikuphunzitsani zabwino; musasiye chilangizo changa.

Mudzanditsogolera ndi uphungu wanu, ndipo mutatero, mudzandilandira m'ulemerero.

Alipo golide ndi ngale zambiri; koma milomo yodziwa ndiyo chokometsera cha mtengo wapatali.

Potsegulira mau anu paunikira; kuzindikiritsa opusa.

Tsoka kwa iwo amene adziyesera anzeru ndi ochenjera!

Potero udzadziwa kuti nzeru ili yotero m'moyo wako; ngati waipeza padzakhala mphotho, ndipo chiyembekezo chako sichidzalephereka.

Patsani tsono kapolo wanu mtima womvera wakuweruza anthu anu; kuti ndizindikire pakati pa zabwino ndi zoipa; pakuti akutha ndani kuweruza anthu anu ambiri amene?

Landirani mwambo wanga, si siliva ai; ndi nzeru kopambana ndi golide wosankhika.

Anzeru akundika zomwe adziwa; koma m'kamwa mwa chitsiru muononga tsopano lino.

Mwana wanzeru amamvera mwambo wa atate; koma wonyoza samvera chidzudzulo.

Ndipo mwa ichi chomwe, pakutengeraponso changu chonse, muonjezerapo ukoma pa chikhulupiriro chanu, ndi paukoma chizindikiritso; ndi pachizindikiritso chodziletsa; ndi pachodziletsa chipiriro;

Ndili nayo nzeru yakuposa aphunzitsi anga onse; pakuti ndilingalira mboni zanu.

Chifundo ndi choonadi zisakusiye; uzimange pakhosi pako; uzilembe pamtima pako; Usakangane ndi munthu chabe, ngati sanakuchitire choipa. Usachitire nsanje munthu wachiwawa; usasankhe njira yake iliyonse. Pakuti wamphulupulu anyansa Yehova; koma chinsinsi chake chili ndi oongoka. Yehova atemberera za m'nyumba ya woipa; koma adalitsa mokhalamo olungama. Anyozadi akunyoza, koma apatsa akufatsa chisomo. Anzeru adzalandira ulemu cholowa chao; koma opusa adzakweza manyazi. motero udzapeza chisomo ndi nzeru yabwino, pamaso pa Mulungu ndi anthu.

Mtima wa wanzeru uchenjeza m'kamwa mwake, nuphunzitsanso milomo yake.

Pakamwa pa wolungama palankhula zanzeru, ndi lilime lake linena chiweruzo.

Mwananga, mvera nzeru yanga; tcherera makutu ku luntha langa; kuti mphamvu yako isakhutitse alendo, ndi kuti usagwire ntchito m'nyumba ya wachilendo; ungalire pa chimaliziro chako, pothera nyama yako ndi thupi lako; ndi kuti, Bwanji ndinada mwambo, mtima wanga ndi kunyoza chidzudzulo; ndipo sindinamvera mau a aphunzitsi anga; ngakhale kutcherera makutu kwa akundilanga mwambo! Ndikadakhala m'zoipa zonse, m'kati mwa msonkhano ndi khamu la anthu. Imwa madzi a m'chitsime mwako, ndi madzi oyenda a m'kasupe mwako. Kodi magwero ako ayenera kumwazika kunja, ndi mitsinje ya madzi m'makwalala? Ikhale ya iwe wekha, si ya alendo okhala nawe ai. Adalitsike kasupe wako; ukondwere ndi mkazi wokula nayo. Ngati mbawala yokonda ndi chinkhoma chachisomo, maere ake akukwanire nthawi zonse; ukodwe ndi chikondi chake osaleka. ukasunge zolingalira, milomo yako ilabadire zomwe udziwa.

Yehova anakhazika dziko ndi nzeru; naika zamwamba ndi luntha. pakuti adzakuonjezera masiku ambiri, ndi zaka za moyo ndi mtendere. Zakuya zinang'ambika ndi kudziwa kwake; thambo ligwetsa mame.

kukupulumutsa kunjira yoipa, kwa anthu onena zokhota;

Milomo ya anzeru iwanditsa nzeru, koma mtima wa opusa suli wolungama.

Mwananga, idya uchi pakuti ngwabwino, ndi chisa chake chitsekemera m'kamwa mwako. Potero udzadziwa kuti nzeru ili yotero m'moyo wako; ngati waipeza padzakhala mphotho, ndipo chiyembekezo chako sichidzalephereka.

Wolabadira mau adzapeza bwino; ndipo wokhulupirira Yehova adala.

Munthu amatamandidwa monga mwa nzeru yake; koma wokhota mtima adzanyozedwa.

Koma m'munthu muli mzimu, ndi mpweya wa Wamphamvuyonse wawazindikiritsa.

Kudziwa nzeru ndi mwambo; kuzindikira mau ozindikiritsa; Nzeru ifuula panja; imveketsa mau ake pabwalo; iitana posonkhana anthu polowera pachipata; m'mudzi inena mau ake, Kodi mudzakonda zazibwana kufikira liti, achibwana inu? Onyoza ndi kukonda kunyoza, opusa ndi kuda nzeru? Tembenukani pamene ndikudzudzulani; taonani, nditsanulira pa inu mzimu wanga, ndikudziwitsani mau anga. Chifukwa ndaitana, ndipo munakana; ndatambasula dzanja langa, ndipo panalibe analabadira; koma munapeputsa uphungu wanga wonse, ndi kukana kudzudzula kwanga. Inetu ndidzachitira chiphwete tsoka lanu, ndidzatonyola pakudza mantha anu; pakudza mantha anu ngati mphepo yopasula, ndi pofika tsoka lanu ngati kamvulumvulu; pakudza kwa inu vuto ndi nsautso. Pamenepo adzandiitana, koma sindidzavomera; adzandifunatu, osandipeza ai; chifukwa anada nzeru, sanafune kuopa Yehova; kulandira mwambo wakusamalira machitidwe, chilungamo, chiweruzo ndi zolunjika; anakana uphungu wanga, nanyoza kudzudzula kwanga konse; momwemo adzadya zipatso za mayendedwe ao, nadzakhuta zolingalira zao. Pakuti kubwerera m'mbuyo kwa achibwana kudzawapha; ndipo mphwai za opusa zidzawaononga. Koma wondimvera ine adzakhala osatekeseka, nadzakhala phee osaopa zoipa. kuchenjeza achibwana, kuphunzitsa mnyamata kudziwa ndi kulingalira;

Mwananga, mtima wako ukakhala wanzeru, mtima wanga wa inedi udzakondwa. Imso zanga zidzasangalala, polankhula milomo yako zoongoka.

Pakamwa panga padzanena zanzeru; ndipo chilingiriro cha mtima wanga chidzakhala cha chidziwitso.

Koma kwa Iye muli inu mwa Khristu Yesu, amene anayesedwa kwa ife nzeru ya kwa Mulungu, ndi chilungamo ndi chiyeretso ndi chiombolo;

Nzeru ipezedwa m'milomo ya wozindikira; koma wopusa pamsana pake nthyole.

Chipatso cha wolungama ndi mtengo wa moyo; ndipo wokola mtima ali wanzeru.

Kukhumba kosadziwa sikuli kwabwino; ndipo wofulumira ndi mapazi ake amachimwa.

Ukayenda ndi anzeru udzakhala wanzeru: koma mnzao wa opusa adzaphwetekedwa.

Kulingalira kwa munthu kuchedwetsa mkwiyo; ulemerero wake uli wakuti akhululukire cholakwa.

Nzeru imangitsa nyumba; luntha liikhazikitsa.

Pochuluka mau zolakwa sizisoweka; koma wokhala chete achita mwanzeru.

Yehova alongosola mayendedwe a mwamuna; munthu tsono angazindikire bwanji njira yake?

Malangizo a Yehova ali olungama, akukondweretsa mtima; malamulo a Yehova ali oyera, akupenyetsa maso.

Wosakwiya msanga aposa wamphamvu; wolamulira mtima wake naposa wolanda mudzi.

Menya wonyoza, ndipo achibwana adzachenjera; nudzudzule wozindikira adzazindikira nzeru.

Koma Mulungu adzaombola moyo wanga kumphamvu ya manda. Pakuti adzandilandira ine.

Chidzudzulo chilowa m'kati mwa wozindikira, kopambana ndi kukwapula wopusa kwambiri.

Wokhulupirira mtima wakewake ali wopusa; koma woyenda mwanzeru adzapulumuka.

Utsiru wa munthu ukhotetsa njira yake; mtima wake udandaula pa Yehova.

Ndani akunga wanzeru? Ndani adziwa tanthauzo la mau? Nzeru ya munthu iwalitsa nkhope yake, kuduwa kwa nkhope yake ndi kusanduka.

Ine ndine mtumiki wanu, ndizindikiritseni; kuti ndidziwe mboni zanu.

ukaitananso luntha, ndi kufuulira kuti ukazindikire; ukaifunafuna ngati siliva, ndi kuipwaira ngati chuma chobisika;

Menya mwanako, chiyembekezero chilipo, osafunitsa kumuononga.

Ukangofuna, mwananga, kusochera kusiya mau akudziwitsa, leka kumva mwambo.

Uphungu utsimikiza zolingalira, ponya nkhondo utapanga upo.

Koma kwa ife Mulungu anationetsera izi mwa Mzimu; pakuti Mzimu asanthula zonse, zakuya za Mulungu zomwe. Pakuti ndani wa anthu adziwa za munthu, koma mzimu wa munthuyu uli mwa iye? Momwemonso za Mulungu palibe wina azidziwa, koma Mzimu wa Mulungu. Koma sitinalandira ife mzimu wa dziko lapansi, koma Mzimu wa kwa Mulungu, kuti tikadziwe zimene zipatsidwa kwa ife ndi Mulungu kwaufulu.

Pereka njira yako kwa Yehova; khulupiriranso Iye, adzachichita.

Achibwana inu, chenjerani, opusa inu, khalani ndi mtima wozindikira;

Monga mphete yagolide ndi chipini chagolide woyengeka, momwemo wanzeru wodzudzula pa khutu lomvera.

Maso ako ayang'ane m'tsogolo, zikope zako zipenye moongoka. Sinkasinkha bwino mayendedwe a mapazi ako; njira zako zonse zikonzeke. Usapatuke kudzanja lamanja kapena kulamanzere; suntha phazi lako kusiya zoipa.

M'kamwa mwa wolungama mulankhula nzeru; koma lilime lokhota lidzadulidwa.

Ndipo chisomo chake cha Yehova Mulungu wathu chikhalire pa ife; ndipo mutikhazikitsire ife ntchito ya manja athu; inde, ntchito ya manja athu muikhazikitse.

Mau a m'kamwa mwa munthu ndiwo madzi akuya; kasupe wa nzeru ndiye mtsinje wodzala.

Nzeru ili pamaso pa wozindikira; koma maso a wopusa ali m'malekezero a dziko.

Onsewo amveka ndi iye amene azindikira; alungama kwa akupeza nzeru.

Polangidwa wonyoza, wachibwana alandira nzeru, naphunzira pakuyang'ana pa wanzeru.

Wachibwana akhulupirira mau onse; koma wochenjera asamalira mayendedwe ake.

Kulibe nzeru ngakhale luntha ngakhale uphungu wotsutsana ndi Yehova.

Pakuti chitsime cha moyo chili ndi Inu, M'kuunika kwanu tidzaona kuunika.

Koma nzeru ifuma kuti? Ndi luntha, pokhala pake pali kuti? Popeza pabisikira maso a zamoyo zonse, pabisikiranso mbalame za m'mlengalenga.

Akundikonda ndiwakonda; akundifunafuna adzandipeza.

Mwananga, usaiwale malamulo anga, mtima wako usunge malangizo anga; motero nkhokwe zako zidzangoti thee, mbiya zako zidzasefuka vinyo. Mwananga, usapeputse mwambo wa Yehova, ngakhale kutopa ndi kudzudzula kwake; pakuti Yehova adzudzula omwe awakonda; monga atate mwana amene akondwera naye. Wodala ndi wopeza nzeru, ndi woona luntha; pakuti malonda a nzeru aposa malonda a siliva, phindu lake liposa golide woyengeka. Mtengo wake uposa ngale; ndipo zonse zikukondweretsa sizilingana naye. Masiku ambiri ali m'dzanja lamanja lake; chuma ndi ulemu m'dzanja lake lamanzere. Njira zake zili zokondweretsa, mayendedwe ake onse ndiwo mtendere. Ndiyo mtengo wa moyo wa akuigwira; wakuiumirira ngwodala. Yehova anakhazika dziko ndi nzeru; naika zamwamba ndi luntha. pakuti adzakuonjezera masiku ambiri, ndi zaka za moyo ndi mtendere.

Ndipo tsopano, ananga, mundimvere ine, ngodala akusunga njira zanga. Imvani mwambo, mukhale anzeru osaukana. Ngwodala amene andimvera, nadikira pa zitseko zanga tsiku ndi tsiku, ndi kulinda pa mphuthu za makoma anga;

amene timlalikira ife, ndi kuchenjeza munthu aliyense ndi kuphunzitsa munthu aliyense mu nzeru zonse, kuti tionetsere munthu aliyense wamphumphu mwa Khristu;

Mwamuna wanzeru ngwamphamvu; munthu wodziwa ankabe nalimba.

Izi uzisamalitse; mu izi ukhale; kuti kukula mtima kwako kuonekere kwa onse. Udzipenyerere wekha, ndi chiphunzitsocho. Uzikhala mu izi; pakuti pochita ichi udzadzipulumutsa iwe wekha ndi iwo akumva iwe.

Mau atha; zonse zamveka zatha; opa Mulungu, musunge malamulo ake; pakuti choyenera anthu onse ndi ichi. Pakuti Mulungu adzanena mlandu wa zochita zonse, ndi zobisika zonse, ngakhale zabwino ngakhale zoipa.

Usadzudzule wonyoza kuti angakude; dzudzula wanzeru adzakukonda. Ukachenjeza wanzeru adzakulitsa nzeru yake; ukaphunzitsa wolungama adzaonjezera kuphunzira.

Nzeru ikhalabe m'mtima wa wozindikira, nidziwika pakati pa opusa.