Sa᷅m 1 - Yāu̍ Mɛ̄lɛ̄ka̍a̍

YĀU̍ TĀSO̍O̍ ( Sa᷅m 1–41 ) Tɔ̄nɔ̄ɔ̍ le̍ wānāa̍ Mɛ̄lɛ̄ka̍a̍

¹ Wānāa̍ cho̍ ha̍ā ā tu᷅l si̍lālā wānāā wɔ̄ɔ̍ŋnda̍ kɔ̄ɔ̄lī le̍, ā chu̍ē ka̍ālā wānāā wɔ̄ɔ̍ŋnda̍ le̍, ā sɔ̍ɔ̍ŋgūū wa̍nāa̍ ma᷅m sɔ̍ɔ̍ŋ Mɛ̄lɛ̄ka̍ŋ nda̍ chōo̍ le̍, wānāā wāā nu̍a̍ā ā pɛ̄l tɔ̄nɔ̄ɔ̍.

² Nda̍ nda̍, pɛ̄ɛ̄kūla̍ Mɛ̄lɛ̄ka̍ Ya̍a̍wɛ̄ɛ̄ la̍ŋ la̍ hɛ̍nāŋ nda̍ chūa̍a̍ ni̍. Īdīi̍ ni̍, īchɔ̄l ni̍, ā chō sāwāla̍ la̍ŋ nūa̍a̍ o̍ yāu̍wo̍ ni᷄ŋ, mā yīyāŋ a̍ la̍ŋ.

³ Mɛ̄ɛ̍ nda̍ tūāl nu̍a̍ā yɔ̄mndo̍ o̍ pīo̍o̍ kɔ̄ŋgɔ̍, pēi̍ ndūɛ̍i̍ ī nya̍mālā le̍, ndu̍yɛ̍ tē bōōndi̍i̍ ndūɛ̄ī ku̍a̍mɛ̄i̍ ī fūūlu̍u̍ dɔ̍ɔ̍ pɛ̍, ō kōm yɛ̍, le̍nde̍ wānāā wāā nu̍a̍ā ā chō ni̍. Nyɛ̄ o̍ nyɛ̄ nda̍ tōsa̍ nāŋɔ̄ɔ̍ o̍ na᷅ŋ ni̍.

⁴ Kɛ̍ wānāā yɔ̄ŋndā wɔ̄ɔ̍ŋnda̍ nda̍, ī chō le̍nde̍ a̍ nda̍ le̍. Mɛ̄ɛ̍ tɛ̄fɛ̍la̍ŋ lā chō nu̍a̍ā, tē hūēīye̍ ī hɔ᷄ŋ pɛ̍ ī kūɛ̄nu᷄ŋ a̍ la̍ŋ yɛ̍, le̍nde̍ nda̍ chō ni̍.

⁵ Le̍la̍ŋ, bōōndi̍i̍ Mɛ̄lɛ̄ka̍ kīlūl ni̍ŋ wānāā wɔ̄ɔ̍ŋnda̍ yāmɛ̍i̍ le̍ nda̍ nyɛ̄ pālāa̍ tūsīo̍o̍ chōo̍ ve̍, fo̍ndāŋ bɛ̍ɛ̍ ve᷅ ni̍ŋ a̍ nda̍ le̍, wānāā yɔ̄ŋndā wɔ̄ɔ̍ŋnda̍ ā ve᷅ ni̍ŋ wa̍nāa̍ cho̍ sa̍kpō Mɛ̄lɛ̄ka̍ o̍ hɔ̄l la̍ tɛ̄ɛ̄ŋ te̍.

⁶ Wānāa̍ cho̍ sa̍kpō Mɛ̄lɛ̄ka̍ o̍ hɔ̄l la̍ nda̍ nda̍, Mɛ̄lɛ̄ka̍ Ya̍a̍wɛ̄ɛ̄ o̍ cho̍ wā nda̍ māndāa̍. Kɛ̍ wānāā yɔ̄ŋndā wɔ̄ɔ̍ŋnda̍ nda̍, ā chō hūnɔ̄ɔ̄ nda̍ tɛ̄ɛ̄mbūū.