Yira 1 - Vagla

Yira lugli hɔŋ ( Yira 1—41 )

¹ Bɔsɔna hinnɛ nɛr la n waa biinikpola hina baglaa ra hiŋ, gɛɛ di ra chanzi wichɔgɛɛra wiɛɛlaa. Bɔsɔna hinnɛ unla ni banla n na ɛɛ Kɔraawiizi chɛɛtɛ n waa kpau.

² Ka u ɔɔ ra nyiŋŋi Kɔraawiizi Gbɔgni la wiarɛ, di ɔɔ ra liizi u baglaazi la wia hɔpizaa ani hamuŋa maa.

³ A guŋ hiŋ ɛɛwɔɔ lugɔ daa la baŋ chɔɔzɛɛ gɔŋ kɛrii, u ra nɔŋ, u nɔnaa saŋa. U paŋhoori ge waa waraa dɔɔwɛ. A guŋ hiŋ wiɛɛlii maanii ɔɔ nyɛɛli.

⁴ Guŋ lɛi biinikpola hina waa du, ba ɛɛwɔɔ lugɔ zɔga la peu n kpawɛɛ kaali.

⁵ Dikuu guŋ wia, biinikpola hina daŋ chol seriya dii biini, wichɔgɛɛra ge wàá jaa Kɔraawiizi nɛnanaa la biini.

⁶ Dikuubɛɛwiai, Kɔraawiizii ra binni nɛnanaa ni, ka biinikpola hina waa, ra lau bá wia ga tuŋ.