Matiu 1 - Vagla

Yeesu Kristo lulla ŋmɛnizii keŋ

¹ Abraham biibaal Deevid dee biinii u faa lii.

² Abraham biibaallɛ Aizik. Aizik ge biibaallɛ Jekɔb. Jekɔb ge biibaalaa Juda ni u niuna.

³ Juda ge biibaalaa Pɛrɛz ni Zɛra. Ba maarɛ Taama. Pɛrɛz ge biibaallɛ Hɛzrɔn. Hɛzrɔn ge biibaallɛ Ram.

⁴ Ram ge biibaallɛ Aminadab. Aminadab ge biibaallɛ Nasɔn. Nasɔn ge biibaallɛ Salmɔn.

⁵ Salmɔn ge biibaallɛ Bɔaz. U maarɛ Rahab. Bɔaz ge biibaallɛ Ɔbɛd. U maa sɔnnɛ Ruf. Ɔbɛd ge biibaallɛ Jɛssɛ.

⁶ Jɛssɛ ge biibaallɛ Deevid la n faa ɛɛ ba koori la. Deevid ge biibaallɛ Solomɔn. A Solomɔn maarɛ faa Yuria haaŋ.

⁷ Solomɔn ge biibaallɛ Rehoboam. Rehoboam ge biibaallɛ Abija. Abija ge biibaallɛ Asa.

⁸ Asa ge biibaallɛ Jɛhɔsafat. Jɛhɔsafat ge biibaallɛ Joram. Joram ge biibaallɛ Uzzia.

⁹ Uzzia ge biibaallɛ Jɔtam. Jɔtam ge biibaallɛ Ahaz. Ahaz ge biibaallɛ Hɛzɛkia.

¹⁰ Hɛzɛkia ge biibaallɛ Manasɛ. Manasɛ ge biibaallɛ Amɔn. Amɔn ge biibaallɛ Jɔsia.

¹¹ Jɔsia ge biibaalaa Jɛkɔnia ni u niuna. A saŋa, di Jus hina dɔma lauri baa kaali Babilɔn hɛri.

¹² Baŋ ga du Babilɔn hɛri la, Jɛkɔnia lul Sɛɛltiɛl. Sɛɛltiɛl ge izi di lul Zɛrubabɛl.

¹³ A Zɛrubabɛl ge biibaallɛ Abayud. Abayud ge biibaallɛ Ɛliakim. Ɛliakim ge biibaallɛ Azɔ.

¹⁴ Azɔ ge biibaallɛ Zadɔk. Zadɔk ge biibaallɛ Akim. Akim ge biibaallɛ Ilayud.

¹⁵ Ilayud ge biibaallɛ Ɛliaza. Ɛliaza ge biibaallɛ Mattan. Mattan ge biibaallɛ Jekɔb.

¹⁶ Jekɔb ge lul Joosɛf. Joosɛf naa faa ɛɛ Mɛɛri la jaarii. Mɛɛri ge lul Yeesu, ba kaa ra yiruu Kristo.

¹⁷ Awia, di i kur mɛɛ ni u bie di lii Abraham saŋa guŋŋ di wa hel Deevid saŋa la, ba du nɛra fidibanaazu. Di i kaa kpa Deevid ge saŋa guŋŋ wa hel saŋa la baŋ lauri baa kaali Babilɔn la, ba ge kaa du nɛra fidibanaazu. Di i kaa kpa a saŋa guŋŋ wa hel Kristo ge saŋa, ba ge kaa du nɛra fidibanaazu.

Yeesu Kristo lulaa wia

¹⁸ Yeesu Kristo lulaa wiarɛ keŋ. Joosɛf faa kpa Yeesu maa Mɛɛrii. U faa haa waa u dia zuuwɛ ú nuu chɔɔ, ka u kpogli hia Kɔraawiizi Dumnanii fɔŋŋa biini.

¹⁹ U jaari la ɛɛ nɛnaniirɛ. Awia, uŋ wa zummɛ lugɔ u kpogli hiarɛ la, u faa waa nyiŋŋi u duu hiihzi, ka ŋɔ ú vii suahzi vɛɛu.

²⁰ Joosɛf n faa ra fɛ guŋ nfɛrɛ la, di Kɔraawiizi mɛlika bɛl ba u be, u nau deeza biini. A mɛlika ŋɔ, “Deevid naana Joosɛf, gilɛɛ ra ɔm Mɛɛri kpai, dikuubɛɛwiai, hia la uŋ kpoglee la, Kɔraawiizi Dumnanii fɔŋŋa biinii u kpogluu.

²¹ U daŋ lul biibaal. Di u wa luluu, í dawuu Yeesu, dikuubɛɛwiai, waabuu niŋ wa lɛɛ u nɛra lii ba wichɔgaa biini.”

²² Wia naa maa ɛɛwɔɔ ka wia la Kɔraawiizi n faa gillɛ u dɔgtɛɛ sɛbi dau la wer ɛɛ wibii. U faa ŋɔwɔɔrɛ,

²³ “Toloori bɛl n waa baal zummɛ daŋ kpogli hia di lul biibaal, bá ra yiruu Imanuɛl.” U sɔŋ hiŋ zɛɛrɛ, “Kɔraawiizi du yaa benii.”

²⁴ Denii Joosɛf n wa izi dɔɔ la, u la ga kpa Mɛɛri gunla Kɔraawiizi mɛlika la n ŋɔwɛɛ la.

²⁵ Ka u ni u haaŋ hiŋ waa chɔɔwɛ mɔɔ ka u wa lul. Biibaallɛ u lul. Joosɛf dau u sɔŋ Yeesu.