Tisimu 99 - Tshwa Bible

Jehova, Nungungulu wa hina, i basile.

¹ Jehova wa fuma, matiko a ma rurumele. I tshamile xikari ka makerubima, A misava yi tsekatseka. 1 Sam. 4:4; 2 Sam. 6:2

² Jehova ngwa hombe le Zioni, I tlakukile hehla ka matiko wontihe.

³ A va dumise a vito ga wena ga hombe gi chavisekako! I basile.

⁴ A hosi ya ranza nongameto ntanwini wa yona. Wena u tiyisa kululama, U tira nongameto ni kulongama ka Jakobe. Isa. 9:7

⁵ Kulisani Jehova, a Nungungulu wa hina, Khizamani xitsikelweni za mikonzo yakwe; I basile.

⁶ Mosi na Aroni Va wa hi xikari ka vapristi vakwe, Na Samueli xikari ka lava va khongelako a vito gakwe; Va lo vitana ka Jehova, a va hlamula. Ekso. 8:12; Mitse. 16:20; 1 Sam. 7:9

⁷ I lo wulawula ka vona mhingeni ya refu, Va lo hlayisa wumboni gakwe Ni nawo lowu a nga va nyika.

⁸ U va hlamule, Jehova, Nungungulu wa hina, A ka vona u wa hi Nungungulu loyi a tsetselelako; Hambu zi hi tano, u lo tsayisa zimaho zabye.

⁹ Kulisani Jehova, Nungungulu wa hina, Khozelani xitsungeni xakwe xo basa, Hakuva Jehova, Nungungulu wa hina i basile.