Tisimu 87 - Tshwa Bible

A Zioni giswa ga vamatiko.

Lisimu la vana va Kora.

¹ A ziseketelo za Zioni zi lomu zitsungeni za kubasa.

² Jehova wa ranza a tinyangwa ta Zioni, Ku hunza a wuakelo gontlhe ga Jakobe.

³ A timhaka ta wudzunzo ta wulawuliwa ha wena, Muti wa Nungungulu. (Sela.) Isa. 2:2; Mika 4:1-4

⁴ Nzi ta kumbuka Rahabe na Babuloni xikari ka lava va nzi tivako, Languta Filistia na Tire zinwe na Etiopia, Va belekelwe kona. Isa. 19:18; Mat. 28:19; Miti. 2:9

⁵ Futsi, ku ta wuliwa ha Zioni lezaku; Loyi ni loyi i belekelwe lomo. Loyi a Hunzeleleko Kutlakuka hi yena a wu tiyisako.

⁶ Loku Jehova a hlaya matiko, I ta tsala aku: Va pswalelwe kona. (Sela.)

⁷ A vayimbeleli ni vakini va taku: A tihlowo ta mina tontlhe ti le ka wena. Isa. 12:3; Jer. 31:12