Tisimu 82 - Tshwa Bible

Kulamula ka Nungungulu.

Lisimu la Asafa.

¹ Nungungulu i yimile hlengeletanweni ya Nungungulu, Wa lamula xikari ka vanungungulu:

² Ku ta kala kuva rini na ma ha lamula hi kukhohlisa, Ni ku yimela a vanhu va kubiha ke? (Sela.)

³ Yimelani loyi a hlokisilweko ni xisiwana, Lulamisani a timhaka ta muxaniseki ni muvumali. Joba 29:12; Mav. 24:11; Isa. 1:17

⁴ Tlhatlhisa loyi a hlokisilweko ni muvumali, Mu va ponisa mandleni ya laʼvo biha.

⁵ Kanilezi a va tivi nchumu, hambu ni ku pima, Va fambafamba munyameni; A ziseketelo zontlhe za misava za tsekatseka.

⁶ Kunene, nzi te ngalo: Nwina mu vanungungulu, Nwina nwentlhe mu vana va Loyi a Hunzeleleko Kutlakuka.

⁷ Hambu zi hi tano, mu tafa kukotisa vanhu, Mu tawa kukotisa ni tihi tihosana. Dan. 5:30; Miti. 12:23

⁸ Vuka, Nungungulu, u lamula misava, Hakuva wontihe matiko ma lumba wena.