Tisimu 70 - Tshwa Bible

Hatlisa kuta na vuna!

Ka muchuli. Lisimu la Davida la ku ti alakanyisa.

¹ Nungungulu, tana u nzi hlanguta; Jehova, hatlisa u nzi vuna.

² Ngha va chelwa tingana ni ku kanganyiseka, Lava va hlotako wutomi ga mina. A va tlheliselwe nzhako vaku koyo tingana Lava va tsakako hi kulamatwa ka mina.

³ A va tlheliselwe nzhako tinganeni tabye, Lava va wulako, vaku: Wo! wo!

⁴ Ngha vontlhe lava va ku lavako va tsaka va nengela ha wena; Lava va ranzako a kuhanyisa ka wena A va simame vaku: A kuliswe Jehova!

⁵ Mina nzi xanisilweko, nzi muvumali, Nungungulu, nzi hatlisele; Wena u muvuni wa mina ni mutiruli wa mina, Jehova, u nga hlweli!