Tisimu 54 - Tshwa Bible

Nungungulu muvuni wa mina.

Ka muchuli hehla ka Neginote, Maxili, Lisimu la Davida laha va ka Zifime va nga ta byela Saule ku ngalo: Davida wa fihlala laha ka hina.

¹ Nungungulu, nzi ponise hi vito ga wena, U nzi yimela kulamuleni hi ntamu wa wena.

² Nungungulu, zwana mukombelo wa mina; Kangatela a ndleve ka magezu ya nomu wa mina.

³ Hakuva a vamatiko va nzi vukela, A zigevenga va hlota wutomi ga mina; Cima a va cuwukeli Nungungulu hi mahlo yabye. (Sela.)

⁴ Nungungulu hi muvuneteli wa mina, A Hosi yi seketela a muhefemulo wa mina.

⁵ Yi ta va tlhelisela kubiha lava va nzi xiyelelako, Va lovise, wena loyi u tsumbekako.

⁶ Zonake nzi ta ku phahlela hi matsenya; Nzi dumisa vito ga wena, Jehova, hakuva gi nene.

⁷ Hakuva gi nzi tlhatlhisile makhombyeni wontihe; A mahlo ya mina ma tsaka hi ku wona a valala va mina.