Tisimu 15 - Tshwa Bible

Himani a ta nga tshama xitsungeni xa wena xi basileko?

Lisimu la Davida.

¹ Jehova, himani a ta nga luvela tendeni ga wena? Himani a ta nga aka le xitsungeni xa wena xi basileko ke?

² Hi loyi a fambako hi nongameto, a mahako kululama; Loyi a wulawulako lisine mbilwini yakwe; Gen. 17:1; Efe. 4:25

³ Loyi a nga lumbetiko hi lirimi lakwe, Loyi a nga mahiko kubiha ka xaka gakwe, Ge hambu ku wulawula nzhukano ka muakelwani wakwe;

⁴ Loyi a cuwukako a wakubiha hi mahlo ya kusola, Kanilezi a dzunza lava va chavako Jehova; Loyi a nga hunzuliko xifungo xakwe, hambu loku a lahlekelwa yena wutsumbu; Jox. 9:19; Mav. 29:27

⁵ Loyi a nga pembisiko mali yakwe kasi ku bhinzula, Ge hambu ku rengelelwa kasi ku kumisa nanzu munhu a nga hiko na nanzu. Loyi a mahako lezo cima a nga ta tsekatsekiswa. Ekso. 22:25; Levi 25:36; Deut. 16:19