Tisimu 149 - Tshwa Bible

Lisimu la kuhlula.

¹ Dumisani Jehova! Yimbelelani Jehova a lisimu liswa, Ni kudumisa kakwe tsombanweni wa vabasileko.

² Israeli a tsakele mumahi wakwe, A vanana za Zioni a va tsakele a Hosi yabye.

³ A va dumise a vito gakwe hi kukina, Va mu khesa hi tingomana ni zitende. Ekso. 15:20; 2 Sam. 6:14

⁴ Hakuva Jehova i xalele hi vanhu vakwe, I bombisa a vakurula hi kuhanyisa kakwe.

⁵ A vakubasa a vave ni zigingi hi kota ya wukulu gakwe, Va yimbelela hi litsako masangweni yabye.

⁶ A tisimu ta Nungungulu a tive milonwini yabye, Ni supado ya wukari gimbiri mandleni yabye; Efe. 6:17; Maheb. 4:12

⁷ Kasi ku phota ka vamatiko, Ni ku tsayisa vanhu;

⁸ Kasi ku boha tihosi tabye hi mangenje, Ni vahombe vabye hi makhotso ya tisimbi; Mika 4:13

⁹ Kasi ku va lamula hi kulamula ku tsalilweko. Hi wudzunzo va nga nago vontlhe a vakubasa vakwe. Dumisani Jehova! Deut. 32:41