Tisimu 141 - Tshwa Bible

Mukombelo ku hlayiswa xikari ka minzhingo.

Lisimu la Davida.

¹ Jehova, nza vitana ka wena, hatlisa kuta ka mina.

² A mukombelo, a wute mahlweni ka wena khwatsi libani; Ni kutlakuswa ka mandla ya mina a ku fane ni muphahlo wa laha gambyeni. Ekso. 30:7; 1 Tim. 2:8; Kuv. 5:8

³ Jehova, veka murinzeli nonwini wa mina, U hlayisa nyangwa ya milomu ya mina. Jak. 1:23

⁴ U nga kuceteli mbilu ya mina kubiheni, Yi maha mitiro yo biha zinwe ni vamahi va kubiha, Nzi ngagi hi malongo yabye.

⁵ A wakululama a nzihe, gi tava wuxinji; A nzi laye, ku taku khwatsi mafura hlokweni ya mina; A hloko ya mina yi nga ta ma ala. Nzi ta va kombelela ni lomu hlomulweni wabye.

⁶ Loku tihosi tabye ti tsikeletwa lahasi matshanwini ya maribye, Hi laha va ta nga ingisa timhaka ta mina, lezaku ti nene.

⁷ A marambu ya hina ma hangalakile laha nyangweni ya Xeole, Khwatsi hi misava yi rimilweko yi vuxelwa.

⁸ Ina, Jehova, Hosi, a mahlo ya mina ma langutele wena, Nzi chavela ka wena, u nga nzi tsiki nzi lova.

⁹ Nzi ponise ka maziyo lawa va nzi dembeleko, Ni ka mintlhamu ya vamahi va kubiha.

¹⁰ A vakubiha a va phasiwa minzhiyweni yabye wutsumbu, Mina nzi pona.