Tisimu 14 - Tshwa Bible

Jehova i wuchavelo ga hina.

Ka muchuli. Lisimu la Davida.

¹ A phuphulu gi wula mbilwini ya gona, giku: A ku kona Nungungulu. Vona va bolile, va maha mitiro yo nyenyeza; A ku kona loyi a mahako kusaseka. Rom. 3:10-12; Gen. 6:5, 11, 12; Tis. 74:18, 22

² Jehova wa cuwuka a vana va vanhu na hi le tilweni, Kasi ku wona loku a hi kona loye a pimako, Loyi a hlotako Nungungulu. Gen. 18:21

³ Vontlhe va hambukile, va nyenyezisilwe vona vontlhe; A nga kona a mahako kusaseka, ge hambu ni munwe.

⁴ Vontlhe a vamahi va kubiha, a va na kutiva ke? Lava va gako a vanhu va mina khwatsi hi loku vaga xibaba, Na va nga kombeli ka Jehova.

⁵ Va wa hi ni kuchava ka hombe lomo; Hakuva Nungungulu i lomu zizukulwaneni xa valulamileko.

⁶ Mu wisile tingana a khungo ga zisiwana, Kanilezi Jehova hi wuponelo gabye.

⁷ O, loku ku wo khwatsi a kuhanyisa ka Israeli ku wa ta huma hi le Zioni! Laha Jehova a tlhelisako vanhu vakwe hi le kukhonweni, Zonake Jakobe i ta tsaka, na Israeli i ta nengela. Tis. 126:1; Mat. 1:21