Tisimu 137 - Tshwa Bible

A micongweni ya le Babuloni.

¹ Le micongweni ya le Babuloni Hi wa tshama hi rila loku hi alakanya Zioni.

² Hi lo hayeka zitende za hina Lomu ziphutswini za kona.

³ Lava va nga hi yisile wukhumbini Va wa kombela tisimu ka hina, Ni vaxanisi va hina va hi kombela tisimu ta litsako, Vaku; Ma nga hi yimbelelani tisimu ta Zioni!

⁴ Hi nga yimbelelisa kuyini lisimu la Jehova Lomu tikweni ga vambe ke?

⁵ Jerusalema, loku nzi ku rivala, A canja ga mina ga xinene a gi nzi rivale.

⁶ Loku nzi nga ku alakanyi, A lirimi la mina a li namarele malakalakeni ya mina, Loku nzi nga ranzi Jerusalema hi kuhunzeletilweko.

⁷ Jehova, alakanya a vana va Edome, Lava va ngaku ngalo hi siku ga khombo ga Jerusalema: Hahlulani, hablulani, kala xiseketelweni xa gona.

⁸ Nhanyana wa Babuloni, loyi u ta nga maha rumbi, I katekile loyi a ta nga ku tlhelisela lezi u hi maheleko zona. Isa. 13:19; Jer. 50:29

⁹ I katekile loyi a ta nga khoma zihlangi za wena, A zi pswandlasa laha ribyeni. Isa. 13:16