Tisimu 130 - Tshwa Bible

A kutsumba ni kutsetselelwa.

¹ Jehova, nziba huwa ka wena na nzi hi lomu kueteni lahasi.

² Hosi, zwana gezu ga mina; A tindleve ta wena ngha ti ingisa A gezu ga mikhongelo ya mina.

³ Loku wena Jehova u wa ta hlaya zigoho, Hosi, himani a nga wa ta yima?

⁴ Kanilezi a kutsetselelwa ku le ka wena, Lezaku wena u chabyiwa. Dan. 9:9

⁵ Nza rinzela Jehova, muhefemulo wa mina wu rinzele; Nza tsumba mhaka yakwe.

⁶ A muhefemulo wa mina wu lavelela Hosi, Ku hunza lava va langutelako mixo; Ina, ku hunza lava va rinzelako wuronga.

⁷ Israeli, tsumba Jehova, Hakuva Jehova i na ni wuxinji, Yena i na ni kutirula ku eneleko. 2 Sam. 24:14

⁸ Yena i ta tirula Israeli, Le zigohweni zontlhe zakwe. Mat. 1:21