Tisimu 13 - Tshwa Bible

A ku tsumba wuxinji ga Jehova.

Ka muchuli. Lisimu la Davida,

¹ Jehova, ku ta kala kuva rini na wa ha nzi rivala? Ku ta kala kuve rini na wa ha nzi fihlele a nghohe ya wena?

² Ku ta kala kuve rini a muhefemulo wa mina na wa ha ti vilelisa, A mbilu ya mina na yi xaniseka siku ni siku? I ta gumesa rini a ku nzi vukela a nala wa mina? Hab. 1:2

³ Jehova, Nungungulu wa mina, nzi langutele, u nzi hlamula; Woningela mahlo ya mina, kasi nzi nga etleli wurongo ga kufa;

⁴ Kasi a nala wa mina a nga wuli, aku: Nzi mu hlulile; Ni valala va mina va nga tsaki loku nzi tsekatsekiswa.

⁵ Mina nzi tsumbile a wuxinji ga wena, A mbilu ya mina ya nengela kuhanyisweni ka wena.

⁶ Nzi ta yimbelela hi Jehova, Hakuva i nzi mahele makatekwa.