Tisimu 129 - Tshwa Bible

A kutsanzeka ka vaxanisi va Israeli.

Lisimu la kuya kukhozeleni.

¹ Va nzi hlokisile nguvu kusukela wusweni ga mina; Ngha Israeli a wula makunu, aku:

² Va nzi hlokisile nguvu kusukela wusweni ga mina, Kanilezi a va nzi hlulangi.

³ A varimi va rimile a hlana wa mina, Va rimile misele yo leha. Isa. 51:23

⁴ Jehova i lulamile, I tsemile a madota ya vakubiha.

⁵ A va khomiwe hi tingana, va tlhelela nzhako Vontlhe lava va vengako Zioni.

⁶ A va fanane ni byanyi gi milako langweni ya yindlu, Legi gi wunako na gi nga se nga kula. 2 Tih. 19:26; Isa. 37:27

⁷ A muhuli a nga tati canja gakwe ha gona, A gi tati mikono ya mubohi wa milumbi.

⁸ A vahunzi va ndlela a va wuli, vaku: A makatekwa ya Jehova a mave hehla ka nwina! Ha mu katekisa vitweni ga Jehova! Rute 2:4