Tisimu 127 - Tshwa Bible

Loku Jehova a ngo aki yindlu.

Lisimu la Solomoni la kuya kukhozeleni.

¹ Loku Jehova a nga aki yindlu, Va tirela mahala lava va yi akako; Loku Jehova a nga hlayisi muti, A varinzeli va lavelela mahala. 1 Kor. 3:7

² A zi mu vuni nchumu ku vinzuka ni mixo, Ni ku pileka ni wusiku ga hombe, Muga zakuga hi kukarateka; Hakuva a muranziwa wakwe i nyikwa za ku tano wurongweni gakwe. Gen. 3:17, 19; Mat. 6:25

³ Languta, a vanana i tshomba ya Jehova, A mbanzu wa nyimba hi nchachazelo.

⁴ Khwatsi hi tigalala mandleni ya nhenha, Ve nghaho a vanana va wuswa.

⁵ I katekile a munhu loyi a kutsu wakwe wu teleko ha vona, Va nga ta wiswa tingana Loku va wulawula ni valala laha nyangweni ya muti.