Tisimu 126 - Tshwa Bible

Ku byala hi mihloti ni ku hula hi litsako.

Lisimu la kuya kukhozeleni.

¹ Laha Jehova a nga wuyisa a vakhonwiwa va Zioni, Hi waku khwatsi hi lava va lorako.

² Zonake a milomu ya hina yi wa tele hi mahleko, Ni tirimi ta hina hi kuyimbelela; Zonake xikari ka matiko a vaku: Jehova i va mahele zilo za hombe.

³ Jehova i hi mahele zilo za hombe, Hikwalaho hi tsakile nguvu.

⁴ Jehova, wuyisa a vakhonwiwa va hina, Kukotisa micongo ya le Dzongeni.

⁵ Lava va byalako na va kari va rila mihloti, Va ta hula hi litsako.

⁶ Va famba na va xwanya a mbewu na va kari va rila, Va wuya hi kutsaka na va rwele milumbe yabye. Isa. 35:10