Tisimu 125 - Tshwa Bible

A kurula a kuve hehla ka Israeli.

Lisimu la kuya kukhozeleni.

¹ Lava va tsumbako Jehova Va fanana ni xitsunga xa Zioni, lexi xi nga tsekatsekiswiko, Lexi xi tiyileko kala kupinzuka.

² Khwatsi hi zitsunga zi renzetekelako Jerusalema, Zinghaho na Jehova i renzelekele vanhu vakwe, Kusukela lezi kala kupinzuka.

³ Hakuva a nhonga ya wuhosi ya zakubiha yi nga ta fumela a tshomba ya valulamileko, Kasi a vakululama va nga nawuluti canja gabye kubiheni. Isa. 14:5

⁴ Jehova, maha zinene ka lava va nene, Ni lava va lulamileko timbilu.

⁵ Kanilezi lava va hambukako tindleleni tabye ta kubiha, Jehova i ta va lobyisa zinwe ni vagohi. A kurula a kuve hehla ka Israeli! Gal. 6:16