Tisimu 123 - Tshwa Bible

Ku langutela Jehova.

Lisimu la kuya kukhozeleni.

¹ Nza tlakusa mahlo ya mina ka wena, Wena loyi u tshamako matilweni.

² Khwatsi hi mahlo ya malanza ma cuwukako a canja ga nwinyi wabye, Niku khwatsi hi mahlo ya nanza ga xisati ma cuwukako canja ga nwinyi wakwe, Zinghaho a mahlo ya hina ma langutela Jehova, Nungungulu wa hina, Kala a hi zwela wusiwana.

³ Jehova, ngha u hi ni wuxinji ka hina, Ngha u hi ni wuxinji ka hina, Hakuva hi tele nguvu hi tingana.

⁴ A mihefemulo ya hina yi karele Hi kutseketselwa hi lava va tshamekileko, Ni kukanyiswa hi vamatshanza.