Tisimu 122 - Tshwa Bible

A yindlu ya Jehova.

Lisimu la Davida la kuya kukhozeleni.

¹ Nzi lo tsaka laha va ngaku ngalo ka mina: A hi yeni ndlwini ya Jehova.

² A mikonzo ya hina yi yimile Lomu tinyangweni ta wena, Jerusalema.

³ Jerusalema u akilweko kota muti Lowu a tiyindlu ta wona ti gamekeneko,

⁴ Laho ti kanzihako tiya kona a tixaka ta Jehova, Khwatsi hi nayo wa Israeli, Kasi ku ya dumisa a vito ga Jehova. Ekso. 23:17

⁵ Hakuva ku vekilwe kona a zitshamu za kulamula, A zitshamu za wuhosi za yindlu ya ka Davida. Deut. 17:8; 2 Sam. 8:15

⁶ Kombelelani a kurula ka Jerusalema, Lava va ku ranzako va ta vuvuma.

⁷ A kuve kona kurula lomu nzeni ka tigingisi ta wena, Ni kuvuvuma lomu ziluvelweni za wena.

⁸ Hi kota ya vamakabye ni vanghana va mina Nzi taku: A kurula a kuve na wena.

⁹ Hi kota ya yindlu ya Jehova, Nungungulu wa hina, Nzi ta ku lavela zinene za wena.