Tisimu 121 - Tshwa Bible

A kuvunetela ka mina kuta hi ka Jehova.

Lisimu la kuya kukhozeleni.

¹ Nzi tlakusela mahlo ya mina zitsungeni, Kuta hi kwihi a kuvunetela ka mina ke?

² A kuvunetela ka mina kuta hi ka Jehova: Loyi a nga maha tilo ni misava. 2 Kro. 20:12

³ A nga ta vumela a nkonzo wa wena ku retemuka, Loyi a ku hlayisako a nga ta kudzehela.

⁴ Futsi, loyi a hlayisako Israeli a nga kudzeheli, Ge hambu ku etlela.

⁵ Jehova hi muhlayisi wa wena, Jehova hi nzhuti wa wena reveni ga wena ga xinene.

⁶ A gambo gi nga ta ku hisa hlikanhini, Ne ni ku biwa hi hweti ni wusiku.

⁷ Jehova i ta ku hlayisa kubiheni kontlhe, I ta hlayisa muhefemulo wa wena.

⁸ Jehova i ta ku hlayisa kuhumeni ka wena ni kuwuyeni ka wena, Kusukela lezi ni kala kupinzuka. Deut. 28:6